تورکیه ده کینگ کولملی حربی عملیات اویوشتیریلدی

تورکیه جمهوریتی ایچکی ایشلر وزیری علی ییرلی قایا، بولووچی ترور تشکیلاتی گه قره ته 6 ولایتده آلیب باریلگن "قهرمانلر -30" اوپراسیونلریده 63 ته مغاره، باش پناه و دیپونینگ یوق قیلیب تشلنگن لیگینی بیلدیردی.

ییرلی قایا اجتماعی ترماق آرقه لی بیرگن بیاناتده، تروریست جنگریلرنینگ چیکه حدودلرده قیش آیلریده ترورچیلیک هجوملری اویوشتیریش مقصدی بیلن مغاره و باش پناهلرده یشیرگن تورلی قورال، مهمات و منفجره لرنینگ یوق قیلیب تشلنیشی بوییچه آلیب باریلگن "قهرمانلر-30" عملیاتلریده 6 ولایتده 63 ته مغاره، باش پناه و دیپونینگ یوق قیلیب تشلنگن لیگینی قید ایتدی.

ییرلی قایا، "تروریست جنگریلرنینگ غارلرینی بیرته بیرته اوستلریگه ییقیب تشله یمیز، ییقیب تشلش گه دوام ایته میز." دیب ایتگن.

شونده ی بولیب شیرناق، سییرت، قهرمانمره ش، دیاربکر، موش و تونچ ایلی ده اویوشتیریلگن عملیاتلرگه درون بیلن اتاک تیک اوچرلرنینگ یاردم ایتگن لیگینی معلوم قیلدی.