عمر چلیک: نازی لرنینگ قیلگن ایشینی حاضرگی کونده نتنیاهو حکومتی قیلماقده

تورکیه جمهوریتی عدالت و رواجله نیش حزبی نینگ اورینباسری و اوشبو حزب نینگ سوزچیسی عمر چلیک, اسرائیل نینگ غزه گه قره تیلگن هجوم لری بیلن علاقه لی بیرگن بیاناتیده, "نازی لرنینگ قیلگن ایشینی حاضرگی کونده, (بنیامین) نتنیاهو نینگ حکومتی قیلماقده.  خلق ارا جامعه نینگ بونی توخته تیشی کیره ک" دییه قید ایتدی. 

چلیک, حزبی نینگ عمومی مرکزیده ترتیب له گن مطبوعاتی کنفرانسیده, بیرگن بیاناتیده اوز سوز لرینی, "نازی لرنینگ قیلگن ایشینی حاضرگی کونده, (بنیامین) نتنیاهو نینگ حکومتی قیلماقده.  نتنیاهو حکومتی نینگ قیلیاتگن ایشی نازی لر نینگ قیلگن ایشی بیلن بیر خیل. خلق ارا جامعه نینگ بونی توخته تیشی کیره ک. بونده ی بولمس لیگی تقدیرده بشریت و قالیویرسه بوتون مدنیت نینگ کسب ایتگن موفقیت لری, نتنیاهو حکومتی نی باشقریاتگن کیشی لرنینگ قیلیاتگن ایشلری و بو قیرغین لر نتیجه سیده یوق بولیب کیته دی" شکلیده دوام ایتدیردی. 

تورکیه جمهوریتی جمهوررئیسی رجب طیب اردوغان نینگ, کیلگوسی کونلرده ینگی دیپلماتیک فعالیت لر باشله ته دیگن لیگینی بیلدیرگن چلیک, "حاضرگی کونده تورکیه تامانیدن مطرح قیلینگن آتشکیسین و کیین ایکّی دولت لیک بیر ییچیم نینگ تامین ایتیلیشی بوییچه گرنتورلیک میکانیزمی نینگ عملی بولیشی توغریسیده سعی و حرکت لر دوام ایتماقده.  عینی دمده تشقی ایشلر وزیرلیگی و ملی استخبارات اداره میز اوشبو مسئله بوییچه مخاطب لری بیلن مذاکره قیلیب موضوع نی یقین دن کوزه تماقده" دییه قید ایتدی.