اردوغان: تورک دنیا سی نینگ رفاهی اوچون اورنشماقده میز

تورکیه جمهوریتی جمهوررئیسی رجب طیب اردوغان, قزاقستان پایتختی آستانه ده بولیب اوتگن تورک دولت لری تشکیلاتی رهبر لری کینگیشی 10- ییغیلیشیده معروضه قیلدی. 

اردوغان, اوشبو صحبتیده, "جاری ییلده 100 ییللیگی نی قیزغین کوتیب آلگن تورکیه جمهوریتی اوله راق تورک دنیا سی نینگ تینچلیگی, رفاهی و خوفسیزلیگی اوچون قدم لر تشلش گه دوام ایتدیره میز" دییه قید ایتدی. 

جمهوررئیس اردوغان, اوشبو معروضه سیده, غزه گه قره تیلگن هجوملر حقیده گپیررایکن, اوز سوز لرینی "7- اوکتوبر دن بیری کورینیب تورگن نرسه لر گه بهانه قیلیب کورسه تیله دیگن, اوشبو وحشت نی توشینتیریب بیره دیگن هیچ بیر اصطلاح یوق.  غزه ده 28 کوندن بیری بشریت گه قرشی جرم دوام ایتماقده.  اوشبو بحران باشله گن کوندن بیری تورکیه اوله راق اساسلی و انسانی بیر سیاست آلیب باردیک. اولویتی میز بشری بیر آتشکیسین نینگ زودلیک بیلن اورنه تیلیشی دن عبارت. مسلمان, مسیحی یاکه یهودی دیمسدن همه نینگ خوفسیزلیگی نی گرنتی ایته آله دیگن ینگی میکانیزم حقیده باش قاتیرماقده میز.  خلق ارا تینچلیک کنفرانسی اوچون شرایط تامین ایتیش گه حرکت قیلماقده میز" شکلیده دوام ایتدیردی. 

غزه گه حاضرگی کون گه قدر 10 اوچاققه یوکلنگن یاردم موادی یوباریلگن لیگینی معلوم قیلگن اردوغان, "شرایط نینگ موجود بولیشی تقدیرده ینه ده کوپراق یاردم یوباره میز.  تورک دنیاسی اوله راق بیر یقه دن باش چقیریشی میز بیرینچی دن آتشکیسین کیین ایسه قالووچی بیر تینچلیککه آلیب باره دیگن یولنی قولایلشتیره دی" دییه قید ایتدی. 

رهبر لر ییغیلیشی آرتیدن آستانه اعلامیه سی ترقه تیلدی. 

اعلامیه ده, عادی اهالی نینگ امنیتی نینگ تامین ایتیلیشی اوچون زودلیک بیلن آتشکیسین نینگ اعلان ایتیلیشی و غزه نواری گه عاجل اوله راق و ممانعت گه دوچ کیلمه یدیگن شکلده بشری یاردم لرنینگ ییتکزیب بیریلیشی اوچون چقیریق بیرگن رهبر لر, اسرائیل- فلسطین اوروشی سببلی چقور خواطر بیلدیررایکن, عادی اهالی گه قره تیلگن برچه هجوملرنی قاره له گن لیک لرینی نی معلوم قیلدی.

اوشبو ییغیلیش دایره سیده جمهوررئیس اردوغان, آذربایجان جمهوررئیسی الهام علی اف و قزاقستان جمهوررئیسی قاسم جومرت توکایف بیلن اوچره شدی. 

اوچره شوو لر گه مذکور اولکه لرنینگ هیئت لری هم اشتراک قیلدی. 

اردوغان, توکایف گه تورکیه ده ایشلب چقیریلگن توگ دیب ناملنگن برقی موتر نی ساوغه قیلدی. 

جمهوررئیس اردوغان اوچره شوو لری نینگ اداققه ییتیشیشی آرتیدن قزاقستان دن تورکیه گه جونب کیتدی.