تورکیه تشقی ایشلر وزیری بیر قطار سوزلشوو اوتکزدی

تورکیه تشقی ایشلر وزیری خاقان فیدان یونان، اردون و سعودی عربستانلیک کسبداشلری بیلن ملاقات اوتکزدی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده فیدان نینگ ملاقاتلری حقیده معلومات بیریلدی.

بیاناتده، فیدان نینگ یونان تشقی ایشلر وزیری یورگو گیراپیتریتیس، اردون تشقی ایشلر وزیری ایمن صفدی و سعودی عربستان تشقی ایشلر وزیری فیصل بن فرهان بیلن علیحده علیحده سوزلشگن لیگی معلوم قیلیندی.

شونده ی بولیب خوددی شو سوزلشوولرده غزه ده تیزده آتشکیسین و دایمی تینچلیک نینگ اورنه تیلیشی بوییچه آتیله دیگن آدیملرنینگ تیلگه آلینگن لیگی بیلدیریلدی.

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

اسرائیللیک ییتکچیلر غزه دن اویوشتیریلگن هجوملرده 315 ته سی حربی 1 مینگ 400 دن آرتیق اسرائیللیک نینگ اولگن لیگینی 5 مینگ 132 ته نینگ یره لنگن لیگینی بیلدیردی.

اسرائیل اردو سوزچیسی دانیئیل هگاری غزه ده القسام غندلری نینگ قولیده اسرائیللیک 240 اسیر بارلیگینی قید ایتدی.

اسرائیل نینگ غزه گه قره ته آلیب بارگن هجوملریده ایسه 9 مینگ گه یقین کیشی اولدی، 22 مینگدن آرتیق کیشی یره لندی.