ایردوغان: حماس ترور تشکیلاتی ایمس بیر مجاهد گروهی دیر

تورکیه جمهور باشلیغی رجب طیب ایردوغان اسرائیل گه ریجه له گن سفری نینگ کنسل قیلگن لیگینی معلوم قیلیب حماس نینگ بیر ترور تشکیلاتی ایمس بیر مجاهد گروهی ایکن لیگینی ایتدی.

عدالت و ترقیات حزبی نینگ باشلیغی هم بولمیش ایردوغان حزبی نینگ تورکیه بویوک ملت مجلسی گروپ جلسه سیده قیلگن صحبتیده غزه نواریده گی وضعیت بوییچه کین گپیردی.

ایردوغان اسرائیل نینگ منطقه گه قره ته هجوملریگه تیگیشلی،

"بیزنینگ اسرائیل دولتی بیلن بیر قیینچیلیگیمیز یوق، بیراق اسرائیل قول اورگن ظلم نی دولت ایمس بیر گروه کبی حرکت ایتیشینی قبول قیلمه یمیز." دیب ایتدی.

اسرائیل نینگ هجوملریده اولگنلرنینگ یرمی نینگ باله لر ایکن لیگینی افاده ایتگن ایردوغان جنابلری بو وضعیت نینگ انسانلیک جرمی گه قول اوریلگن وحشت ایکن لیگینی کورستگن لیگینی تیلگه آلدی.

برچه غرب عالمی نینگ حماس نی بیر ترور تشکیلاتی ایتیب کورگن لیگینی معلوم قیلگن جمهور باشلیغی اسرائیل و دنیاگه خطاب قیلیب،

"ای اسرائیل سین نینگ بیر تشکیلات بولیشینگ ممکن. بو غرب نینگ سینگه بورجی کوپ. بیراق تورکیه نینگ سینگه هیچ بورچی یوق. حماس ترور تشکیلاتی ایمس توپراقلرینی و وطنداشلرینی قوریقلش اوچون کوشگن بیر مجاهد گروهی دیر." دیدی.

ایردوغان اسرائیل تشریف بیوریش ریجه سی بارلیگینی بیراق کنسل قیلگن لیگینی بیلدیردی.

"بیز تورک ملتی اوله راق تاریخ بویلب ییر یوزیده عرقچیلیک قیلمه گن یگانه ملتمیز. بونی اینگ یخشی یهودی همجمعیتی بیله دی." دیگن ایردوغان بوگون اولدیرگن باله لر و معصوملرنی اولدیرگن اسرائیل نی قوللب – قوتلش اوچون قطار بولگنلرنینگ هیچ بیری نینگ کوکسینی کیریب بونقه بیر بیانات بیرالمسلیگینی ایتدی.

ایردوغان

"بیز اولکه و ملت اوله راق حقیت نی ایتیش گه، بونینگ سیاسی، دیپلوماتیک کیره ک بولگنده حربی برچه یوللردن ایش آلیش گه دوام ایته میز." دیب گپیردی.