عراق ده بیر تورک حربیسی شهید بولدی

عراق نینگ شمالیده آلیب باریلگن پنجه – قفل عملیاتی منطقه سیده بولووچی ترور تشکیلاتی پی کاکا منسوبی تروریست جنگریلر تامانیدن اوزیلگن تحریکی اوق عاقبتیده پیاده حربی رجب پارلاق شهید بولدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده، پارلاق نینگ پنجه – قفل عملیاتی منطقه سیده 30 سپتامبر تاریخیده بولووچی ترور تشکیلاتی پی کاکا منسوبی تروریست جنگریلر تامانیدن اوزیلگن تحریکی اوق عاقبتیده یره لنیب کسلخانه گه ییتکیزیلگن لیگی بیلدیریلدی.

بیاناتده "قهرمان قورالداشیمیز پیاده حربی رجب پارلاق تداوی آستیده گی کسلخانه ده 5 اکتوبرده شهید بولدی. بیزنی چقور قیغو و الم گه چومگن بو حادثه ده حیاتینی یوقاتگن عزیز شهیدیمیزگه الله تعلی دن مغفرت، عایله سی، تورکیه قوراللی کوچلری قاله ویرسه اصیل ملتیمیزگه قیغوداشلیک و صبر تیله یمیز" دییلدی.

ملی مدافعه وزیری یشر گولر هم شهید پارلاق اوچون قیغوداشلیک پیامی ترقه تدی.