تورکیه تشقی ایشلر وزیری بیر قطار اوچره شوو اوتکزدی

تورکیه جمهوریتی تشقی ایشلر وزیری خاقان فیدان اروپا بیرلیگی تشقی علاقه لر و خوفسیزلیک پولیتیکاسی یوکسک کمیشنری جوزیپ بوریل بیلن اوچره شوو اوتکزدی.

بوریل X اجتماعی ترماق آرقه لی ترقه تگن پیامیده تشقی ایشلر وزیری فیدان بیلن نیویورکده بیرلشگن ملتلر تشکیلاتی نینگ 78 – عمومی کینگشیده فکر المه شووی عملگه آشیریش فرصتی تاپگن لیگینی معلوم قیلیب اروپا بیرلیگی – تورکیه مناسبتلریده آتیله دیگن آدیملرنی تیلگه آلگن لیکلرینی افاده ایتدی.

بوریل فیدان بیلن قاره باغده گی «جوده خواطر بیرووچی» وضعیت نی هم تیلگه آلگن لیکلرینی بیلدیردی.

تشقی ایشلر وزیرلیگی تامانیدن X اجتماعی ترماق آرقه لی ترقه تیلگن پیامده فیدان نیویورک ده اویوشتیریلگن "کیلجک نینگ جلسه سی وزیرلر سویه سیده تیارگرلیک جلسه سی" ده سوزگه چیققن لیگی قید ایتیلدی.

بیاناتده،

"تشقی ایشلر وزیری قیلگن صحبتیده گلوبال باشقروونینگ اوزگریشی، کوپ تامانلمه لیک نی مستحکملش و بیرلشگن ملتلر تشکیلاتی نینگ قیته تیکلنیشی گه تیگیشلی آتیله دیگن آدیملرنی تاکییدله دی و بو توغریده گی تعهدیمیزنی افاده ایتدی." دیب ایتدی.

خاقان فیدان شونده ی بولیب نیویورک ده اشلام بیرلیگی تشکیلاتی وزیرلر سویه سیده گی ییللیک علاقه جلسه سی" گه قتنشدی.

وزیرلیک تامانیدن بیریلگن بیاناتگه کوره فیدان لیتونیا، بلاروس، بحرین تشقی ایشلر وزیرلری بیلن هم اوچره شدی.

فیدان شونده ی بولیب پاناما تشقی ایشلر وزیری جاناینا توانی منکومو بیلن هم اوچره شدی.

اوچره شوونینگ آرتیدن ایککی اولکه اورته سیده "سیاسی مصلحت میکانیزمی ایجاد ایتیلیشی گه تیگیشلی کیلیشوو"گه قول قوییلدی.