تورکیه - آلمان تشقی ایشلر وزیرلری اوزارا اوچره شوو اوتکزدی

تورکیه تشقی ایشلر وزیری خاقان فیدان امریکا قوشمه ایالتلری نینگ نیویورک شهریده آلمان تشقی ایشلر وزیری انالینا باربک بیلن اوچره شوو اوتکزدی.

بیرلشگن ملتلر تشکیلاتی نینگ 78 – کنگره سی اوچون نیویورک که تشریف بیورگن فیدان اوز اوچره شوولریگه باشله دی.

 بیرلشگن ملتلر تشکیلاتی کنگره سیده باربک بیلن تورک اویی بناسیده اوچره شدی.

تورکیه جمهوریتی تشقی ایشلر وزیرلیگی تامانیدن اجتماعی ترماق x آرقه لی بیریلگن معلوماتده تورکیه بیلن اروپا بیرلیگی اورته سیده باجخانه نینگ قیته تیکلنیشی و تورک تبعه لریگه ویزه ایرکینلیگی جریانی قاله ویرسه تورکیه نینگ اروپا بیرلیگی گه اعضالیک جریانی، قبرس توغریسیده گی سونگگی ینگیلیکلر، قاره دینگیز حبوبات تشبثی، سویدن نینگ ناتوگه اعضالیک جریانی و اقلیم اوزگریشی موضوعلری نینگ تیلگه آلینگن لیگی بیلدیریلدی.

شونده ی بولیب فیدان نینگ نیویورک ده ایرلند باش وزیر اورینباسری، تشقی ایشلر و مدافعه و زیری مایکل مارتین بیلن هم اوچره شگندی.

اوچره شووده اوزارا مناسبت و اوست سویه تشریفلر قاله ویرسه تورکیه - اروپا بیرلیگی مناسبتلری، قبرس توغریسیده گی سونگگی ینگیلیکلر، قاره دینگیز حبوبات تشبثی موضوعلری نینگ تیلگه آلینگن لیگی بیلدیریلگندی.