تورکیه تامانیدن لیبیاگه یاردم ییتکیزیب بیریلماقده

تورکیه آفت و عاجل وضعیت باشقرمه سی رئیسی اوکای ممیش سیل فلاکتی یوزبیرگن لیبیاگه دینگیز کوچلری قومندانلیگی گه باغلیق ایککی ته حربی کیمه آرقه لی 550 ته پرسونل و 4 تن اطرافیده یاردم موادی نینگ جونتیلگن لیگینی بیلدیردی.

ممیش اوچونچی کیمه نینگ هم یولگه قوییله جگینی معلوم قیلدی.

ساغلیکنی سقلش وزیرلیگی گه باغلیق ملی میدیکال قوتقروو گروهی هم درنه شهریده فعالیت آلیب بارماقده.

ساغلیک نی سقلش وزیرلیگی آفت یوزبیرگن منطقه گه قوتقروو پرسونلی قاله ویرسه صحرا کسلخانه سی، طبی مواد، تجهیزات و داری جونتدی.

اورته ییر یدنگیزیده یوزبیرگن و 10 سپتامبرده لیبیانینگ شرقینی اورگن «دانیئیل» طوفانی بن غازی، بیضا، سوسه و درنه کبی شهرلرده سیل فلاکتی گه سبب بولگندی.

لیبیا ملی بیرلیک حکومتی سیل فلاکتیده 6 مینگ کیشی نینگ اولگن لیگینی مینگلب کیشی نینگ لادرک ایکن لیگینی بیلدیرگندی.