تورکیه قرآن کریم گه قیلینگن حرمتسیزلیک نی قاره له دی

تورکیه, دنمارک پایتختی کوپنهاگنده قرآن کریم گه ینه بیر بار قیلینگن چیرگنچ حرمتسیزلیک نی اینگ کوچلی بیر شکلده قاره له دی. 

تورکیه جمهوریتی تشقی ایشلر وزیرلیگی, دنمارکده ینه قرآن کریم گه حرمتسیزلیک قیلینگن لیگی بیلن علاقه لی یازمه بیانات بیردی. 

بیاناتده, "کوپنهاگنده بوگون (توناون) مقدس کتابی میز قرآن کریم گه قره ته تکرار قیلینگن چیرگنچ حرمتسیزلیک نی اینگ کوچلی بیر شکلده قاره له یمیز.  دنمارک مقام لری نینگ, خلق ارا مسئولیت لری دایره سیده حرکت ایتیشی و اسلام دینی و میلیونلب مسلمان گه قره تیلگن نفرت نی کوچه یتیره دیگن بو چیرگنچ ایشلرنینگ آلدینی آلیش اوچون کیره کلی تدبیر لرنی آلیشی کیره ک" دییه قید ایتیلدی. 

تورکیه جمهوریتی دینی ایشلر اداره سی نینگ باشلیغی ارباش هم اجتماعی ترماق آرقه لی بیرگن بیاناتیده, "بو چیرگنچ هجوم نینگ فاعللری و اجتماعی تینچلیک نی هدف قیلیب آلگن بونده ی ایشلر گه قرشی عکس العمل کورستمه گن, بونگه اجازت بیریب حمایت قیلگن دنمارک مقام لرینی اوشبو سیاست لری سببلی قتتیق قاره له یمن" دییه قید ایتدی. 

ارباش, اوز سوزلرینی "اروپا و غربی اولکه لرده اسلام و مسلمان لر گه قرشی آلیب باریلیاتگن سیستماتیک دشمن لیککه قرشی اسلام عالمی و خلق ارا مقیاسده وجدانی بولگن لرنی کوچلی بیر سیاست آلیب باریش گه چقیره من" شکلیده دوام ایتدیردی.