استانبول قونلغه سی ینه تیپه ده اورین آلدی

استانبول قونلغه سی جولای آیی نینگ 10-16 تاریخلریده اینگ کوپ اوچیش بیلن اروپاده بیرینچی بولدی.

استانبول قونلغه سی جولای آیی نینگ 10-16 تاریخلریده کونده لیک اورته چه 1 مینگ 487  اوچیش بیلن اروپاده بیرینچی بولدی.

اوروپا هوا سیر و سفر خوفسیزلیگی تشکیلاتی (EUROCONTROL) جولای آیی نینگ 10-16 تاریخلری گه تیگیشلی اینگ گاوجوم قونلغه لری و هوا یولی ترافیکی حقیده کینگ راپور ترقه تدی.

اوشبو راپورگه کوره استانبول قونلغه سی کونده لیک اورته چه 1 مینگ 487 اوچیش بیلن اروپاده بیرینچی بولدی.

استانبول قونلغه سی نینگ آرتیدن 1 مینگ 395 اوچیش بیلن آمستردام اسخیپول قونلغه سی و 1 مینگ 340 اوچیش بیلن پاریس چارلیس دی گولی قونلغه سی کیله دی.

انتالیا قونلغه سی ایسه کونده لیک 1 مینگ 18 اوچیش بیلن 7 قونلغه قطاریگه اورین آلیش گه موفق بولدی.