اردوغان لتوانیا دن قیتیب کیلیاتگن پیتده اوچاقده ژورنالیست لرنینگ سئواللریگه جواب قیتردی

تورکیه جمهوریتی جمهوررئیسی رجب طیب اردوغان, سویدن نینگ ناتو اعضالیگی بوییچه تورکیه پارلمانی نینگ تورکیه نینگ منفعت لری دایره سیده اینگ یخشی قرار نی قیله دیگن لیگینی معلوم قیلدی. 

جمهوررئیس اردوغان, لتوانیا ده بولیب اوتگن ناتو رهبر لر ییغیلیشی آرتیدن تورکیه گه قیتیب کیلیاتگن پیتده اوچاقده ژورنالیست لرنینگ سئواللریگه جواب قیتردی. 

لتوانیا سفری نینگ موفقیتلی بولیب اوتگن لیگینی بیلدیرگن اردوغان, "سعی و حرکت لری میز نتیجه سیده اتفاق تاریخیده ایلک مراتبه تروریزم گه قرشی کوره ش خاص کوردیناتوری نینگ تعینله نیشی قراری اعلان قیلیندی" دییه قید ایتدی. 

سویدن نینگ ناتو اعضالیگی توغریسیده تورکیه نینگ اساسلی سیاستی نینگ دستلبکی کوندن بیری انیق ایکن لیگینی بیلدیرگن اردوغان, اوز سوز لرینی, "اوزلری گه ایتگن لیگی میزدیک سویدن نینگ اعضالیگی بوییچه پروتکل لرنی تصدیقله یدیگن مرجع, تورکیه پارلمانیدن عبارت.  حاضرگی کونده دوام ایتیاتگن بیر پروسه بار.  پارلمانی میز تشلنگن قدم لرنی کوزه ته دی, اولکه میزنینگ منفعت لری گه اویغون بیر شکلده قرار قیله دی" شکلیده دوام ایتدیردی. 

اوشبو رهبرلر ییغیلیشی دایره سیده کوپلب جمهوررئیس لر و باش وزیر لر بیلن اوچره شگن لیگینی بیلدیرگن اردوغان, "تورکیه نینگ اروپا اتفاقی اعضالیگی پروسه سی نینگ ینگی دن باشله نیشی بوییچه مثبت بیر فکر موجود" دییه قید ایتدی. 

تورکیه نینگ, وعده لری گه وفا قیلیاتگن لیگی نی بیلدیرگن اردوغان, اوز سوزلرینی, "منفعت لر دایره سیده آلیب باریلیاتگن مذاکره لرنینگ انیق نتیجه سی نی اینگ یقین کیله جکده کوریش نی خواهله یمیز.  بیریلگن وعده لرگه دایر انیق قدم لر اینیقسه ترور تشکیلات لری نینگ فعالیت لری نینگ بحث موضوعی اولکه لرده اداققه ییتیشیتیریلیشی و ترورچی لرنینگ قیتریب بیریلیشیدن عبارت.  اروپا اتفاقی نینگ مثبت فعالیت لری نتیجه سیده بیز هم بیرگن وعده لری میز نی بجا کیلتیریش اوچون فعالیت گه باشله یمیز" شکلیده دوام ایتدیردی. 

امریکا قوشمه ایالتلری دولت رهبری جو بایدن بیلن بولیب اوتگن اوچره شووی حقیده هم گپیرگن جمهوررئیس اردوغان, اف- 16 اوروش اوچاق لری نینگ تورکیه گه ساتیلیشی بیلن علاقه لی بایدن و رهبریتی نینگ تورکیه نینگ منفعتی گه اویغون بیر سیاست آلیب باریاتگن لیگینی بیلدیررایکن, تورک وزیر لرنینگ هم مخاطب لری بیلن اوچره شیب پروسه نی مثبت جهتده آلغه آلیب باره دیگن لیک لرینی ایسله تیب اوتدی.  

قاچاق مهاجرت گه قرشی کوره ش بیلن علاقه لی بیر سئوال گه جواب قیترگن اردوغان, تورکیه نینگ اوشبو توغریده گی کوره شی نینگ هیچ قچان توخته مه گن لیگی و بوندن کیین هم توخته مه یدیگن لیگینی معلوم قیلدی. 

"قیلینگن فعالیت لر نتیجه سیده یقین کیله جکده قاچاق مهاجر لر بیلن علاقه لی مهم اوزگریش لرنی تبعه لری میز کوره دی" دییه قید ایتگن اردوغان, فعالیت لرنینگ هیچ بیر انسان گه ضرر ییتکزمه یدیگن شکلده بوله دیگن لیگینی بیلدیردی.