جمهور باشلیغی ایردوغان سویدن نینگ ناتوگه اعضالیگی بوییچه بیانات بیردی

جمهور باشلیغی رجب طیب ایردوغان سویدن نینگ ناتوگه اعضالیگی بیلن تیگیشلی بیانات بیردی

"آلدین کیلینگ تورکیه نینگ اروپا اتفاقی گه اعضالیگی نینگ آلدینی آچینگ، کیین بیز هم فینلندنینگ قنداغ قبول قیلگن بولسک سویدن نی هم قبول قیله یلیک" دیدی.

ایردوغان لیتوانیا سفری آلدی استانبول آتاتورک قونلغه سیده مطبوعاتی کنفرانس اویوشتیردی.

جلسه ده بعضی بیر دولت و حکومت باشلیغلری بیلن اوزارا اوچره شوولر اوتکزه جگینی تیلگه آلدی ایردوغان جنابلری؛

"شو وقت ناتو اعضاسی اولکه لرنینگ برچه سی اروپا اتفاقی اعضاسی دیر. تورکیه نی اروپا بیرلیگی نینگ ایشیگیده 50 ییلدن آرتیق مدتدن بیری توخته تیب قویگن اولکه لرگه ایته من عین آنده ویلینیئوس ده ایته من. آلدین کیلینگ تورکیه نینگ اروپا اتفاقی گه اعضالیگی نینگ آلدینی آچینگ، کیین بیز هم فینلندنینگ قنداغ قبول قیلگن بولسک سویدن نی هم قبول قیله یلیک" دیب ایتدی.

ایردوغان بو توغریده توناون آقشم امریکا قوشمه ایالتلری دولت باشلیغی جو بایدن گه هم شونقه فکرلرنی بیلدیرگن لیگینی ویلینیوس ده هم شونقه ایته جگینی افاده ایتدی.

حمهور باشلیغی سویدن بیلن فینلندنینگ ناتوگه اعضالیک مراجعه لری توغریسیده اوتگن ییل مادریدده قول قوییلگن اوچ تامانلیک کیلیشوو بیلن بیر یول خریطه سی تیارلنگن لیگینی معلوم قیلیب شولرنی ایتدی:

"فینلند تعهدلریگه بناً حرکت قیلیب اپریل آییده اتفاققه رسمی روشده اعضا بولدی. سویدن توغریسیده ایسه جریان دوام ایتیب بارماقده. تیگیشلی باشقروولریمیز سویدنلیک باشقروولر بیلن شفاف و صمیمی بیر یانداشوو ایچیده قوروب بارماقده. مین بوگون آقشم حرمتلی باش کاتب و سویدن باش وزیری بیلن اوچون تامانلیک بیر جلسه اوتکزه من. سویدن نینگ ناتوگه اعضالیک جریانی نینگ آلغه باریشی اوچ تامانلیک کیلیشووده بولگن خصوصلرنینگ بجا کیلتیریشی گه باغلیق دیر" دیدی.

جمهور باشلیغی ایردوغان عین دمده؛

"جلسه ده (ناتو) تورکیه گه قره ته چیکلاو و محدودیتلر کیریتگن متفقلرگه بو ینگلیشدن تیزده قول تارتیشلری بوییچه چقیریغیمیزنی تکرارله یمن" دیب ایتدی.