اردوغان سویدن نینگ ناتو اعضالیگی توغریسیده گپیردی

تورکیه جمهوریتی جمهوررئیسی رجب طیب اردوغان, سویدن نینگ ناتو اعضالیگی حقیده گپیررایکن, "تروریزم نی بغری گه باسگن اولکه لرنی حمایت قیلمه یمیز" دییه قید ایتدی.

جمهوررئیس اردوغان, استانبولده ملی مدافعه عالی بیلیم یورتی فراغت مراسمیده معروضه قیلدی. 

تورکیه نینگ, سونگّی 71 ییلده ناتو ده قیلگن فعالیت لری نی جوده آز متفق اولکه نینگ قیلگن لیگی نی بیلدیرگن اردوغان, "اتفاق نینگ آچیق ایشیک سیاستی نی حمایت قیلدی و حمایت قیلماقده میز.  تروریزم گه قرشی قرارلی کوره ش کبی اتفاق نینگ اساسی ارزش لری گه صادق بوله دیگن همه نی بغری میز گه باسیش گه تیار میز" دییه قید ایتدی. 

فنلاند نینگ ناتو اعضالیگی نی حمایت قیلیب تورکیه نینگ اساسی سیاستی نی کورسه تیب بیرگن لیگینی بیلدیرگن اردوغان, اوز سوز لرینی, "لیکن (سویدن کبی) ترورچیلرنی حمایت قیلیاتگن و تروریزم گه قرشی کوره ش بوییچه کیره کلی تدبیر لرنی آلمه گن لر گه عکس العمل کورسه تیش دن هم تارتینمه دیک.  ناتو دایر سیده همکارلیک قیلیش نی طلب ایتیاتگن لرنینگ, تورکیه ده میلادی 2016- ییل 15- جولای کونی بولگن فتح الله چی ترور تشکیلاتی (فتو) نینگ کودتا تشبثی گه قوشیلگن, 40 ییلده مینگلب کیشی نی اولدیرگن (بولووچی ترور تشکیلاتی پ.ک.ک منسوبی) قاتل لر نی بغری گه باسیش نینگ هیچ بیر معقول سببی نینگ بولیشی ممکن ایمس" شکلیده دوام ایتدیردی. 

جمهوررئیس اردوغان, سویدن نینگ ناتو گه اعضالیگی پروسه سی بیلن علاقه لی, "(اسپانیا پایتختی) مادرید ده اولکه میز گه بیریلگن وعده لرنینگ بجا کیلتیریلیشی نی کوتماقده میز. تروریزم نی بغری گه باسیاتگن اولکه لرنی حمایت قیلیشی میز ممکن ایمس" دییه قید ایتدی.