اردوغان فرانسه ده گی حادثه لر توغریسیده بیانات بیردی

تورکیه جمهوریتی جمهوررئیسی رجب طیب اردوغان, فرانسه ده پولیس نینگ الجزایرلیک یاش بیر ییگیت نی اولدیریشی آرتیدن باشله گن ناراضی چیلیک نمایش لری بیلن علاقه لی بیرگن بیاناتیده, "فرانسه ده گی حادثه لر نینگ اساسی نی استعمار تشکیل ایتماقده" دییه قید ایتدی. 

کابینه ییغیلیشی آرتیدن بیرگن بیاناتیده, فرانسه ده اوتگن هفته الجزایرلیک یاش بیر ییگیت نینگ اولدیریلیشی آرتیدن باشله گن ناراضی چیلیک نمایش لری نینگ تهدابی نینگ استعمار ایکن لیگینی بیلدیرگن جمهوررئیس اردوغان, اوز سوز لرینی, "زوروانلیک زوروانلیککه سبب بولگن و حاضرگی کونده گی حادثه لر گه آلیب کیلگن.  تاریخ دوامیده بولگن لیگی دیک, قیلمه تاپرسن, ایکمه اوررسن دیگن گپ بولماقده" شکلیده دوام ایتدیردی. 

جمهوررئیس اردوغان, "بیز نینگ تامانی میزدن قیغو بیلن کوزه تیلیاتگن اوشبو حادثه لرنینگ ینه ده کوپراق قان توکیلمسدن و زوروانلیک نینگ بوندن آرتیق کوپه یمسدن زودلیک بیلن اداققه ییتیشیشی نی آرزو قیلماقده میز" دییه قید ایتدی. 

دولت مال لری گه ضرر ییتکزیلیشی, کوچه لرنینگ یاقیلیب ویران قیلینیشینی, مغازه لرنینگ یغماله نیشینی اویغون بیر حرکت اوله راق بهالنتیرمه یاتگن لیکلرینی بیلدیرگن اردوغان, اوز سوز لرینی, "لیکن اوشبو اجتماعی قیین چیلیک لردن, باشلیق لرنینگ هم بیر عبرت آلیشی کیره ک ایکن لیگی انیق" شکلیده دوام ایتدیردی. 

جمهوررئیس اردوغان, "اوشبو حادثه لرنینگ مهاجر لر و مسلمان لر گه قرشی ینگی بیر باسیم شکلی گه ایله نیشی بوییچه خواطرده میز" دییه قید ایتدی.