اردوغان استولتنبرگ بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی ناتو عمومی منشی سی ینس استولتنبرگ بیلن سوزله شدی. 

جمهوررئیسلیک علاقه باشقرمه سی تامانیدن بیریلگن بیاناتده, اوشبو صحبتده, روسیه ده یوز بیرگن واگنر معما سی حقیده سوز یوریتیلگن لیگی بیلدیریلدی. 

روسیه ده گی بحران نینگ اداققه ییتگن لیگی نینگ, اوکراین ده جدی بیر فلاکت نینگ آلدی نی آلگن لیگی معلوم قیلینگن صحبتده, ناتو عمومی منشی سی گه, روسیه ده گی ینگی لیک لرنینگ, اوکراین ده عادلانه بیر تینچلیک نینگ تامین ایتیلیشی بوییچه ینگی بیر یول بولیشی آرزو سی بیلدیریلدی. 

سویدن نینگ ناتو اعضالیگی بوییچه هم بحث ایتیلگن اوشبو صحبتده, تورکیه نینگ سویدن نینگ اعضالیگی توغریده یخشی سیاستی نینگ دوام ایتیاتگن لیگی, لیکن بولووچی ترور تشکیلاتی پ.ک.ک/پی وای دی/وای پی جی طرفدارلری نینگ اوشبو اولکه ده ایرکین بیر شکلده فعالیت یوریتیش گه دوام ایتیشی تقدیرده, قبول قیلینگن قانون لرنینگ هیچ قنده ی بیر معنی گه ایگه ایمس لیگی معلوم قیلیندی. 

عینی دمده صحبتده, تورکیه نینگ اف- 35 اوروش اوچاق لری بوییچه طلبی نینگ سویدن نینگ ناتو اعضالیگی گه باغلیق قیلینیشی حقیده گی سعی و حرکت لرنینگ, تورکیه گه ایمس, بلکه اساساً ناتو و ناتو نینگ خوفسیزلیگی گه ضرر ییتکزه دیگن لیگی بیلدیریلدی.