انقره ده تورکیه, فنلاند و سویدن اورتاق ییغیلیشی بولیب اوته دی

انقره ده تورکیه, فنلاند و سویدن دایمی اورتاق میکانیزمی نینگ تورتینچی ییغیلیشی بولیب اوته دی. 

جمهوررئیسلیک علاقه باشقرمه سی تامانیدن بیریلگن بیاناتده, تورکیه, فنلاند و ناتو هیئت لری نینگ اورین آله دیگن, اوچ تامانلمه کیلیشوو گه اساساً قوریلگن دایمی اورتاق میکانیزمی تورتینچی ییغیلیشی نینگ, جمهوررئیس باش مصلحتچیسی عاکف چغتای قلیچ میزبانلیگیده, ایرته گه جمهوررئیسلیک مجتمع سیده بولیب اوته دیگن لیگی بیلدیریلدی. 

روسیه نینگ اوکراین گه قره تیلگن هجومی آرتیدن ناتو اعضاسی بولیش اوچون مراجعه قیلگن سویدن و فنلاند بیلن تورکیه اورته سیده, 28- جون کونی اسپانیا پایتختی مادریدده بولیب اوتگن ناتو رهبر لر ییغیلیشیده تورکیه نینگ قیغولرینی برطرف قیلیش اوچون اوچ تامانلمه کیلیشوو امضالنگن ایدی. 

تورکیه, قیغولرنی برطرف قیلگن فنلاند نینگ ناتو اعضالیگینی قبول قیلرایکن, تروریزم نی حمایت قیلیاتگن سویدن نینگ اعضالیگینی ایسه ویتو ایتماقده.