دنیا رهبر لری جمهوررئیس اردوغان گه تبریک بیلدیرماقده

دنیا رهبر لری, تورکیه ده بولیب اوتگن جمهوررئیسلیک سیلاوی ده ینه جمهوررئیس ایتیب سیلنگن لیگی سببلی تورکیه جمهوریتی جمهوررئیسی رجب طیب اردوغان گه تبریک بیلدیرماقده. 

شمالی قبرس تورک جمهوریتی جمهوررئیسی ارسین تاتار, اردن قرالی ایکّینچی عبدالله, ونزوئلا جمهوررئیسی نیکولاس مادورا, یونان نینگ بورونغی باش وزیری و ینگی دموکراسی حزبی رهبری میچکوتاکیس و لیبیا عالی دولت کینگشی باشلیغی خالد المشری جمهوررئیس اردوغان گه قونغیراق قیلیب تبریک بیلدیررایکن, سیلاو نتیجه لری نینگ تورک خلقی اوچون خیرلی بولیشی نی آرزو قیلیب قالدی. 

ناتو عمومی منشی سی ینس استولتنبرگ هم, جمهوررئیس اردوغان گه قونغیراق قیلیب ینه جمهوررئیس ایتیب سیلنگن لیگی اوچون تبریک بیلدیردی. 

استولتنبرگ, اجتماعی ترماق آرقه لی بیرگن بیاناتیده, صحبتده, لتوانیا پایتختی ویلنیوس ده جولای آییده بولیب اوته دیگن ناتو رهبر لر ییغیلیشی, اوکراین نینگ قوللب- قوتله نیشی, ناتو نینگ کوچی نینگ آرتیریلیشی و سویدن نینگ ناتو گه قوشیلیشی پروسه سی نینگ نتیجه بیریشی کبی مهم موضوع لر توغریده سوز یوریتگن لیک لرینی معلوم قیلدی.

ارمنی وقف لر بیرلیگی نینگ باشلیغی بیدروس شیرین اوغلی هم ترقه تگن پیامیده, ینه جمهوررئیس ایتیب سیلنگن لیگی باعث جمهوررئیس اردوغان گه تبریک بیلدیردی.