تورکیه کیمه سی پطرول قیدیرماقده

تورکیه, غربی قاره دینگیزده طبیعی گاز تاپیلیشی آرتیدن شرقی قاره دینگیزده هم پطرول اوچون سیسمیک قیدیرو فعالیت لری آلیب ماقده. 

خلق ارا کیمه کوزه تیش معلوماتلریگه کوره, باربروس خیرالدین پاشا سیسمیک کیمه سی, شرقی قاره دینگیزده, تورکیه نینگ اردو- سامسون ولایتلریده فعالیت یوریتماقده. 

منطقه ده 7- اپریل دن بیری فعالیت یوریتیاتگن باربروس خیرالدین پاشا نینگ ینه معلوم بیر مدت سیسمیک فعالیت یوریتیشی کوتیلماقده. 

باربروس خیرالدین پاشا کیمه سی نینگ, دینگیز نینگ 8 مینگ متر تگیده گی جیولوژیک ساختار لر نی تیکشیریشی و ایکّی و اوچ بُعدلی سیسمیک معلومات توپله شی ممکن. 

تورت مینگ 711 تن آغیرلیگی بولگن اوشبو کیمه, موقعیت نی ستلایت آرقه لی اتوماتیک شکلده انیقله یدی.

اوزونلیگی 84 و کینگیش لیگی ایسه 21,6 متر دن عبارت اوشبو کیمه نینگ هلیکوپتر قونه دیگن بیر جایی هم موجود.