ایردوغان تورک هواچیلیک و فضا صنایعی بوییچه پیام ترقه تدی

جمهور باشلیغی رجب طیب ایردوغان فقط اوچاق، تیک اوچر، ماهواره، تانک، راکت، قورال ایشلب چیقرمه گن لیکلرینی عیندمده تکنالوجی هم تولید ایتیب تورکیه عصرینی بنا قیلگن لیکلرینی ایتدی.

جمهور باشلیغی ایردوغان اجتماعی ترماق آرقه لی توناون کونی تورک هواچیلیک و فضا صنایعی تامانیدن قهرمانقازانده گی مرکزیده اویوشتیریلگن «استقبال نینگ عصری تنیتوو پروگرامی» ده کورگزمه گه قوییلگن تورکیه نینگ ملی حرب اوچاغی (MMU) قآن بیلن بیر قطارده حرجیت، اتاک-2 و انقه -3 بیلن تیگیشلی پیام ترقه تدی.

غازی مصطفی کمال نینگ "استقبال کوکلرده دیر" دیگن گپلریگه دقت تارتگن ایردوغان "مدافعه صنایعیده بوتونله ی مستقل تورکیه" شعاری بیلن یولگه قوییلگن لیکلرینی بیلدیردی.

"غازی نینگ آرزوسی بولمیش «استقبالنی» خداگه شکر بیز کیلتیردیک. بیراق ینه ده انچه یول بار" دیب ایتدی ایردوغان جنابلری.

"منه تیناون کونی ملی حرب اوچاغیمیز قآن نی هنگردن چیقردیک. اولکه میزنینگ ایلک سوپر سونیک جیت اوچاغی حرجیت، آغیر صنف تعروض تیک اوچر اتاک-2، انقه -3 هیداوچیسیز حربی اوچاغیمیزنینگ اساسی باسقیچلرینی کوردیک. بیز فقط اوچاق، تیک اوچر، ماهواره، تانک، راکت، قورال ایشلب چیقرمه دیک، عیندمده تکنالوجی هم تولید ایتیب تورکیه عصرینی بنا قیلدیک." دیب ایتدی.