تورکیه ارمنستان نی قتّیق قاره له دی

تورکیه، ارمنستانده آلیب باریلگن عثمانلی سیاسی و حربی ییتکچیلری بیلن آذربایجانلیک ییتکچیلرگه قره ته اویوشتیریلگن سوئ قصدلرگه قولی بولگنلرگه بغشلنگن آبده فعالیتلرینی قتّیق قاره له دی.

تورکیه جمهوریتی تشقی ایشلر وزیرلیگی تامانیدن ارمنستان نینگ پایتختی ایروان ده آچیلگن «نیمیسیس آبده سی» توغریسیده یازمه بیانات بیریلدی.

بیریلگن بیاناتده " ارمنستانده آلیب باریلگن 1920 – ییللرنینگ باشیده عثمانلی سیاسی و حربی ییتکچیلری قاله ویرسه آذربایجانلیک ییتکچیلرگه حتی بعضی بیر ارمنی اصللی عثمانلی وطنداشلریگه قره ته آلیب باریلگن سوئ قصدلرگه قولی بولگنلرگه بغشلنگن آبده فعالیتلرینی قتّیق قاره له یمیز." دیب ایتیلدی.

بیاناتده بو شرمنده لیک یادگارلیک نینگ آچیلیشی نینگ 31 دیپلومات و عایله سی قتل ایتیلگن منفور ترورچیلیک هجوملریگه سبب بولگن قانلی خشونت حرکتینی اولوغلش ایکن لیگی تاکییدلندی.

بیاناتده بو حادثه نینگ ارمنی مطبوعاتیده تقدیم ایتیلیش شکلی نینگ هم قبول ایتیلیشی ممکن بولمه گن ناتوغری بیر تاریخ تلقینی نینگ بعضی ذهنلرده حلی هم بارلیگینی کورستگن لیگی قید ایتیلدی.

"تورکیه و ارمنستان اورته سیده گی نورماللشوو جریانی نینگ روحیه سیگه ضد بولگن بو تحریکی آدیملر منطقه ده دایمی تینچلیک و برقرارلیک نینگ تاسیس ایتیلیشیده هیچ قنده ی حصه قوشمه یدی. عکسینچه نورماللشوو جریانی گه سلبی تاثیر تشله یدی."