مسکو ده سوریه حقیده ییغیلیش بولیب اوته دی

تورکیه جمهوریتی ملی مدافعه وزیری خلوصی آقر, تورکیه- روسیه- سوریه و ایران آره سیده گی تورت تامانلمه ییغیلیش نینگ ایرته گه روسیه پایتختی مسکوده بولیب اوتیشی نینگ ریجه لنگن لیگینی معلوم قیلدی. 

آقر, تورکیه بیلن سوریه اورته سیده گی مناسبت لر حقیده بیانات بیردی. 

مسکوده 28- دسامبر کونی تورکیه- روسیه و سوریه مدافعه وزیرلری  و استخبارات اداره لری باشلیق لری نینگ اشتراکی بیلن بیر ییغیلیش بولیب اوتگن لیگینی بیلدیرگن آقر, فکر المه شیلگن اوشبو جلسه ده تامان لرنینگ خوددی شونده ی ییغیلیشلر نینگ دوام ایتیشی بوییچه کیلیشیب آلگن لیگینی معلوم قیلدی. 

آقر, "کیینگی ییغیلیش لر گه ایران نینگ هم اشتراک ایتیشی توغریسیده فکر المه شیلگن ایدی.  مربوطه مقام لر تامانیدن اویغون دیب قبول قیلیندی.  اوشبو ییغیلیش نینگ دوامی خصوصیتیده بوله دیگن بیر شکلده ایندی تورت تامانلمه مدافعه وزیر لری و استخبارات اداره لری باشلیق لری نینگ اشتراکی بیلن بولیب اوته دیگن بیر ییغیلیش حقیده تیارگرلیک اوتکزیلماقده.  اوشبو ییغیلیش نینگ 25- اپریل کونی مسکوده بولیب اوتیشی ریجه لنماقده. 

هدفی میز بو ییرده گی معما لرنینگ مذاکره آرقه لی ییچیلیشی و زودلیک بیلن منطقه ده تینچلیک نینگ اورنه تیلیشی دن عبارت" دییه قید ایتدی. 

مناسبتلر و تماس لرنینگ متقابل حرمت دایره سیده دوام ایتیاتگن لیگینی بیلدیرگن آقر اوز سوز لرینی, "ییغیلیش آرتیدن بعضی مثبت ینگی لیکلرنینگ یوز بیریشی نی کوتماقده میز.  منطقه ده تینچلیک نینگ اورنه تیلیشی اوچون تورکیه و مدافعه وزیرلیگی اوله راق قولیمیزدن کیله دیگن برچه سعی و حرکت لرنی قیلماقده میز" شکلیده دوام ایتدیردی.