تورکیه جمهور باشلیغی ایردوغان قاره دینگیز گازی نینگ 20 اپریل کونی باشلشیدن خبر بیردی

جمهور باشلیغی رجب طیب ایردوغان؛

"20 اپریل کونی فیلیوسده قاره دینگیز گازی نینگ آلوینی یاقه میز" دیدی.

جمهور باشلیغی ایردوغان بعضی بیر تلویزیون کاناللری نینگ مشترک جانلی روشده گی یایینیده ژورنالیستلرنینگ سواللریگه جواب قیتردی.

ایردوغان "انرژی بوییچه ینگی بیر خبر بارمی؟ دیگن سوالگه شو جواب نی بیردی:

"20 اپریل کونی فیلیوسده قاره دینگیز گازی باشله یدی. 20 اپریل کونی فیلیوسده قاره دینگیز گازی نینگ آلوینی یاقه میز. کیین تورکیه وطنی گازیدن ایش آلیش گه باشله یدی. اوزاق ییللردن بیری میده میده اوستی گه ایشلنگن انرژی ایرکین لیگی نینگ آلوی اوگون قاره دینگیزدن باشلب دالغه دالغه برچه یورت گه ییره ب باره دی."

جمهور باشلیغی ایردوغان اسرائیل کوچلری نینگ مسجد اقصی ده گی هجومینی هم لعنت له دی.

رمضان آییده قول اوریلگن هجوملرنینگ قبول ایتیلمس لیگینی معلوم قیلگن ایردوغان جنابلری شولرنی ایتدی:

بونی تشقی ایشلر وزیرلیگی تامانیدن هم تصدیق ایتدیک، لعنتله دیک. مین هم صحبتلریمده لعنتله یمن. هیچ بیر خوفسیزلیک قیغوسی بونقه غیر انسانی بیر مداخله گه بهانه بوله آلمه یدی. مسجد اقصی نینگ تاریخی مقامی گه و معنویاتی گه فلسطینلیکلرنینگ اعتقاد و حیات ایرکین لیگی گه قره ته مداخله و تهدیدلر بوتونله ی اداغگه ییتیب باریشی کیره ک دیر.

اسرائیل بحراننی کوپه یتیرووچی آدیملردن قول تارتیشی کیره ک. بیزنینگ اینیقسه سیناگوگلرگه بونقه هجوم تشبثی میز بارمی؟ موسوی لرنینگ معبدلریگه بونقه بیر هجوم تشبثی میز بارمی؟ چونکه اولر اوچون مقدس دیب کوره میز. هر شرط و وضعیتده فلسطنلیک قرداشلریمیزنینگ یانیده بولیش گه، مقدسلریمیزگه صاحب چیقیش گه دوام ایته میز. بونی اسرائیل نینگ بیلیشی کیره ک." دیدی.