تورکیه پارلمانی فنلاند نینگ ناتو گه اعضا ایتیب قبول ایتیلیشی بوییچه طلب نی قبول قیلدی

فنلاند نینگ ناتو گه اعضا ایتیب قبول ایتیلیشی بوییچه پروتکل نینگ تصویبی توغریسیده گی طلب تورکیه جمهوریتی پارلمانی عمومی کینگشیده قبول قیلیندی.  

ناتو عمومی سکرتری ینس استولتنبرگ, اوشبو طلب نینگ تورکیه جمهوریتی پارلمانیده قبول قیلینگن لیگی اوچون خرسندچیلیک بیلدیردی.

استولتنبرگ, اجتماعی ترماق آرقه لی بیرگن بیاناتیده, "بو ناتو اعضالرینی کوچ و خوفسیزلیک جهتی دن ینه ده یخشیراق بیر وضعیت گه کیتیره دی" دییه قید ایتدی. 

فنلاند جمهوررئیسی سائولی نینیسته هم تویتر آرقه لی بیرگن بیاناتیده, 30 ناتو اعضاسی نینگ فنلاند نینگ اعضالیگی نی تصدیقله گن لیگینی بیلدیردی. 

تصدیقله گن اولکه لرگه ایشانیب حمایت قیلگن لیک لری اوچون منتدارلیک بیلدیرگن نینیسته, "فنلاند, ناتو نینگ خوفسیزلیگی گه اوزینی فدا قیله دیگن, کوچلی و قابلیتلی بیر متفق دن عبارت بوله دی.  ایندی فنلاند ناتو گه اعضا بولیش گه تیار.  سویدن نینگ هم قیسقه بیر مدت کیین بیز گه قوشیلیشی نی کوتماقده میز" دییه قید ایتدی. 

فنلاند باش وزیری سانا مارین هم تویتر آرقه لی بیرگن بیاناتیده حمایت قیلگن اولکه لر گه منتدارلیک بیلدیررایکن, اوز سوزلرینی, "متفق لر اوله راق بیربیرلری میز نینگ خوفسیزلیگینی تامین ایته میز.  بیر بیر لری میزنی مدافعه قیله میز.  فنلاند حاضر و کیلگوسیده سویدن نینگ یانیده بولیب ناتو اعضالیگی بوییچه طلبی نی حمایه له ماقده" شکلیده دوام ایتدیردی. 

فنلاند تشقی ایشلر وزیرلیگی تامانیدن تویتر آرقه لی بیریلگن بیاناتده ایسه, "رحمت! فنلاند نینگ ناتو گه اعضا ایتیب قبول ایتیلیشی بوییچه پروتکل نینگ تصویبی توغریسیده گی طلب نی قبول قیلگن لیگی اوچون تورکیه پارلمانی گه منتدارلیک بیلدیره میز" دییه قید ایتیلدی.