ایردوغان ییر سیلکینیش فلاکتی اوچون یاردم بیرووچیلر ییغینی گه قتنشدی

جمهور باشلیغی رجب طیب ایردوغان 6 فبروریده مرکزی قهرمانمره شده یوز بیرگن و 11 ولایت گه تاثیر قالدیرگن ییر سیلکینیشلری نینگ آرتیدن خلق ارا مقیاسیده کورستیلگن بیردملیک نی اصلاً اونوتمسلیکلرینی بیلدیردی.

جمهور باشلیغی ایردوغان اروپا بیرلیگی کمیسیونی بیلن اروپا بیرلیگی کینگشی دور باشلیغی سویدن تامانیدن تورکیه و سوریه ده ییر سیلکینیشیدن تاثیرلنگن منطقه لرگه کمک اوچون بلجیم نینگ پایتختی بروکسل ده اویوشتیرگن بخشیش قیلووچیلر ییغینی گه جمهور رئیسلیک مجتمعیدن توروب جانلی روشده قتنشدی.    

ایردوغان بیلیم آدملری دنیاده ییرده یوزبیرگن اینگ کوچلی فلاکت دیب اته گن ییر سیلکینیشیدن تاثیرلنگنلرنینگ احتیاجلری نینگ برطرف ایتیلیشی اوچون اورونگن لیکلرینی تیلگه آلدی.

ییر سیلکینیشی طفیلی یوزه گه چیققن ویرانه لیک نینگ مالی کلفتی 104 ملیارد دالر اطرافیده ایکن لیگینی معلوم قیلگن ایردوغان جنابلری،

"بو مقیاسیده گی بیر آفت گه قرشی هیچ بیر اولکه نینگ بیر باشیده کوره شیشی ممکن ایمس دیر" دیدی.

130 گه یقین اولکه دن جونه تیلگن یاردملرنینگ آفت منطقه لریگه ییتیب بارگن لیگینی قد ایتدی.

ایردوغان "هربیرینگیزگه اوزیم، اولکم و ملتیم تامانیدن منتدارچیلیک بیلدیره من. بو قیین کونلریمیزده کورستیلگن بیردملیک نی اصلاً اونوتمه یمیز" دیب گپیردی.

ایردوغان هدفلری نینگ 1 ییل ایچیده فلاکت منطقه لری نینگ کمچیلیگینی برطرف ایتووچی سانده بنالر قوریش ایکن لیگینی افاده ایتدی.

جمهور باشلیغی ایردوغان ایریم اولکه لردن سوریه ده گی ییرسیلکینیشیدن تاثیرلنگنلر اوچون جونه تیلگن یاردملرنینگ انتقالیده یاردم ایتگن لیکلرینی معلوم قیلیب،

"بو یانداشووگه دوام ایته میز" دیدی.