تورکیه تشقی ایشلر وزیری مصر گه تشریف بویوردی

تورکیه جمهوریتی تشقی ایشلر وزیری مولود چاووش اوغلی, مصرلیک کسبداشی سامح شکری نینگ دعوتی گه بناً رسمی بیر سفر بیلن مصر گه تشریف بویوردی. 

چاووش اوغلی اوشبو سفری دایره سیده مصرلیک کسبداشی شکری بیلن یکّه مه یکّه اوچره شیشی آرتیدن, هیئت لر ارا اوچره شوو لر بولیب اوته دی. 

اوچره شوو لر آرتیدن چاووش اوغلی بیلن شکری اورتاق مطبوعاتی کنفرانس ترتیب له یدی. عینی دمده چاووش اوغلی, قاهره تورک شهیدلیگینی باریب کوره دی. 

چاووش اوغلی, 11 ییللیک بیر آره دن کیین تورکیه گه مصر سفر قیلگن ایلک تشقی ایشلر وزیری بولدی. 

شکری, تورکیه نینگ قهرمان ماراش ولایتیده یوز بیرگن زلزله آرتیدن قیغوداشلیک بیلدیریش اوچون 27- فبروری ده تورکیه گه تشریف بویوریب تورک کسبداشی چاووش اوغلی بیلن اوچره شگن ایدی. 

عینی دمده مصر زلزله دن تاثیرلنگن لر اوچون تورکیه گه بشری یاردم هم یوبارگن ایدی.