تورکیه گه ییتکیزیب بیریلگن یاردملر حقیده معلومات بیریلدی

6 فبروری تاریخیده مرکزی تورکیه نینگ قهرمانمره ش ولایتی بولمیش و 11 ولایت گه تاثیر قالدیرگن ییر سیلکینشلری نینگ آرتیدن منطقه ده 16 اولکه توپلم 34 ته صحرا کسلخانه سی قوردی.

تشقی ایشلر وزیرلیگی تامانیدن تویتر آرقه لی بیریلگن بیاناتده تشقی نماینده لیکلر آرقه لی تورکیه گه جونه تیلگن یاردملر حقیده معلومات بیریلدی.

شونده ی بولیب زلزله منطقه سیده 16 اولکه توپلم 34 ته صحرا کسلخانه سی قورگن و حلی گچه 179 مینگ 655 ته خیمه، 2 مینگ 76 ته کانتینر و 2 مینگ 75 ته سیار تمیزلیک دستگاهی تورکیه گه کیلتیریلگن.

خوددی شو یاردملر چوکاتیده 1 میلیون 879 مینگ 145 ته کمپل، 269 مینگ 747 ته اویقی کییمی، 96 مینگ 462 ته یاتاق، 33 مینگ 810 ته جنراتور، 7 مینگ 488 تن ییمکلیک، 4 مینگ 109 تن تمیزلیک طبی مواد و 6 مینگ 908 تن آذیق – اوقات تورکیه گه ییتکیزیب بیریلگن.