بیر قطار دولت ییتکچیلری جمهور باشلیغی ایردوغان گه قیغوداشلیک بیلدیردی

اروپا بیرلیگی کمیسیون باشلیغی اورسولا فون در لاین و اروپا بیرلیگی کینگش باشلیغی چارلیس میشل جمهور باشلیغی رجب طیب ایردوغانگه قونغراق قیلیب ییرقیمیرلش حادثه سی طفیلی قیغوداشلیک بیلدیردی.

جمهور رئیسلیک علاقه باشقرووی تامانیدن بیریلگن بیاناتگه کوره اورسولا فون در لاین بیلن چارلیس میشل حیاتینی یوقاتگنلر اوچون قیغوداشلیک بیلدیریب یره لیلرگه عاجل شفا تیله گن.

بیاناتده بیلدیریلیشیچه، الجزایر جمهور باشلیغی عبدالمجید تبون، گینه جمهور باشلیغی بیسائو اومارو سیسوکو امبالو، سنگال جمهور باشلیغی مکس سال، سریلانکا جمهور باشلیغی رانیل ویکرمسینگه، قرغزستان جمهور باشلیغی صدر جباروف، عراق جمهور باشلیغی عبداللطیف رشید، عراق باش وزیری محمد شیعه السودانی و سودان حاکمیت کینگش باشلیغی عبدالفتاح البرهان جمهور باشلیغی ایردوغانگه قونغراق قیلیب حیاتینی یوقاتگنلر اوچون قیغوداشلیک بیلدیرگن و یره لیلر اوچون عاجل شفا تیله گن.

سابق عراق منطقوی کرد باشقرووی باشلیغی مسعود برزانی هم جمهور باشلیغی ایردوغانگه قونغراق قیلیب ییر قیمیرلش حادثه سی طفیلی قیغوداشلیک بیلدیرگن.

اوتگن هفته تورکیه نینگ قهرمانمره ش ولایتیده یوزبیرگن و 10 ولایت گه سلبی تاثیر قالدیرگن 7،7 و7،6 رشتر ییرقیمیرلش حادثه لریده مینگلب کیشی جان بیریشی گه سبب بولدی. خوددی شو ییرقیمیرلش «عصرنینگ فلاکتی» ایتیب اتلدی.