تورکیه و بیرلشگن عرب امیرلیک لری تشقی ایشلر وزیرلری افغانستان حقیده سوزله شدی

تورکیه جمهوریتی تشقی ایش لر وزیری مولود چاووش اوغلی, تلفن آرقه لی, بیرلشگن عرب امیرلیک لری تشقی لر وزیری عبدالله بن زاید آل نهیان بیلن سوزله شدی.

اوشبو صحبتده افغانستان ده گی سونگّی ینگیلیک لر حقیده سوز یوریتیلگن لیگی بیلدیریلدی. 

تورکیه تشقی ایش لر وزیرلیگی تامانیدن بیریلگن بیاناتگه کوره, چاووش اوغلی بیلن بن زاید, افغانستانده طالبان نینگ عیال لرنینگ اوقیشی نی ممنوع قیلگن لیگی و خاتین- قیزلرنینگ اداره لر و یاردم موسسه لری دن چیتلنگن لیگی بیلن علاقه لی مشترک روشده قیغو بیلدیرگن. 

ینه بیر بار تورکیه نینگ اوشبو قرار نینگ بیکار قیلینیشی نی کوتیاتگن لیگی نی بیلدیرگن چاووش اوغلی, کسبداشی بیلن خوددی شوو خصوصده اسلام همکارلیک تشکیلاتی و باشقه مرجع لرده بیر یقه دن باش چیقاریش نینگ اهمیتی گه دقت قره تدی. 

بن زاید ایسه بحث موضوعی قرار و قیز باله لرنینگ اورته مکتب ده اوقیش لری نینگ ممنوع قیلینیشی بوییچه آلدینگی قرار لرنینگ, انسان حق لری اخلالی دن عبارت ایکن لیگی نی بیلدیردی. 

عینی دمده خوددی شوو صحبتده, افراطی یهودی ناقل لرنینگ مسجدالاقصی گه باسیب کیرگن لیک لری باره سیده هم گپیریلدی.

چاووش اوغلی بیلن بن زاید, توناون اسرائیل لیک وزیر نینگ مسجدالاقصی گه باسیب کیرگن لیگی نی قاره له گن لیک لری نی ینه بیر بار ایسله تیب اوتدی. 

صحبتده, بن زاید بیلن چاووش اوغلی, منطقه ده گی برقرارسیزلیک نینگ آزه یتیریلیشی اوچون اسرائیل مقام لری نی مسئولیت لری نی بجا کیتیریش گه چقیردی.