سعودی عربستان شورا مجلسی باشلیغی آل الشیخ انقره گه تشریف بویوردی

سعودی عربستان شورا مجلسی باشلیغی عبدالله بن محمد آل الشیخ, رسمی بیر سفر بیلن تورکیه جمهوریتی پایتختی انقره گه تشریف بویوردی. 

آل الشیخ, تویتر آرقه لی بیرگن بیاناتیده, تورکیه بیلن سعودی عربستان اورته سیده گی تاریخی مناسبت لر حقیده سوز یوریتگن ایدی.

آل الشیخ, اوشبو سفر بیلن ایکله اولکه پارلمان لری اورته سیده گی مناسبت لرنینگ رواجله نه دیگن لیگی و همکارلیک میزانی نینگ آرتیب کیته دیگن لیگی نی بیلدیرگن ایدی. 

بیاناتده آل الشیخ, تورکیه جمهوریتی جمهوررئیسی رجب طیب اردوغان نینگ 28- اپریل کونی جده ده سعودی عربستان پادشاهی سلمان بن عبدالعزیز آل سعود بیلن بولیب اوتگن اوچره شووی و سعودی عربستان ولیعهد شهزاده سی محمد بن سلمان نینگ 22- جون کونی انقره گه قیلگن سفری حقیده بحث ایتگن ایدی. 

تورکیه- سعودی عربستان پارلمان لری آره سی دوست لیک گروپی اعضا لری هم 18- اوکتوبر کونی سعودی عربستان پایتختی ریاض ده ایریم اوچره شوو لر اوتکزگن ایدی.