تورکیه طالبان نینگ قیز اوقیووچیلر اوچون تعلیم آلیشنی منع قیلیب قوییش قرارینی قاره له دی

تورکیه نینگ افغانستانده قیز اوقیووچیلر اوچون عالی تعلیم نی منع قیلیب قوییش قراری نینگ قبول قیلیب آلینیشی نینگ قیغو و تشویش بیلن کوتیب آلگن لیگی بیلدیریلدی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده، اوشبو قرارنی "قیغو و تشویش بیلن کوتیب آله میز" دیب ایتیلگن.

تعلیم آلیش نینگ شخصلرنینگ فرصت تینگ لیگی اساسیده فایده لنیشی و محروم ایتیلمس لیگی کیره ک بولگن طبیعی حقی بولگن لیگی تاکییدلنگن دیر.

بیاناتده، "افغانستانده خلق نینگ امیدلریگه بناً برچه قیز اوقیووچیلرگه تعلیم حقی نینگ استثناسیز بیریلیشی اولکه نینگ رفاهی و کیلجگی جهتیدن اهمیت گه سزاواردیر. شونده ی بولیب خوددی شو قرارنینگ کوزدن اوتکزیلیشی و کیره ک لی آدیملرنینگ تیزده آتیلیشینی کوتگن لیگیمیزنی افاده ایته میز" دییلدی.

طالبان اوتیش دوری حکومتی نینگ عالی تعلیم وزیرلیگی سوزچیسی حافظ ضیا هاشمی بیرگن بیاناتده، اولکه ده گی برچه دولت و نادولت عالی بیلیم یورتلریگه قیزلرنینگ تعلیمی بوییچه بویروق یازووی جونتیلگن لیگینی بیلدیرگندی.

اوشبو بویروقده، اوقیووچیلرنینگ عالی بیلیم یورتلریده تعلیم آلیشلری نینگ ایککینچی بیر بویروق گچه توخته تیب قوییلگن لیگی بیلدیریلگندی.