خلق ارا پولیس تشکیلاتی انترپول تامانیدن قیدیریلگن تروریست جنگری قولگه آلیندی

قیزیل خبر بیلن قیدیریلگن داعش ایزداشی تروریست جنگری، ناقانونی روشده تورکیه گه کیرگونچه قولگه آلینگن.

تورکیه جمهوریتی ملی مدافعه وزیرلیگی نینگ اجتماعی ترماقده گی آدرسی آرقه لی بیریلگن بیاناتگه کوره، قیزیل خبر بیلن قیدیریلگن ترور تشکیلاتی داعش ایزداشی تروریست جنگری، سوریه چیگره سیدن ناقانونی روشده تورکیه گه کیرماقچی بولگن لیگی خبری آلینگن.

چیگره ده تعقیب آستیگه آلینگن تروریست جنگری، ییر کوچلری قومندانلیگی گه باغلیق چیگره خوفسیزلیک کوچلری و جاندارم تامانیدن اوتکزیلگن مشترک عملیات آرقه لی قولگه آلینگن.

آلیب باریلگن تیکشیروو نتیجه سیده قولگه آلینگن خوددی شوو تروریست جنگری نینگ خلق ارا پولیس تشکیلاتی انترپول تامانیدن قیزیل خبر بیلن قیدیریلماقده ایکن لیگی تثبیت ایتیلگن.