استانبولده گی پارتلش نینگ فاعلی بولگن ترورچی اعتراف قیلدی

استانبول ده گی استقلال جاده سیده یوز بیرگن پارتلش نینگ فاعلی بولگن ترورچی, بولووچی ترور تشکیلاتی پ.ک.ک/پی وای دی/وای پی جی بیلن ارتباطلی ایکن لیگی نی اعتراف قیلدی. 

استانبول نینگ بی اوغلی تومنی ده 6 کیشی نینگ حیاتی نی یوقاتیشی, 81 نفر نینگ ایسه یره له نیشی گه سبب بولگن ترورچیلیک هجومی بیلن علاقه لی کینگ کولملی تیکشیرو باشلتگن پولیس, ترورچی نی اوشلش اوچون عملیات اویوشتیردی. 

بمب نی جایلشتیرگن لیگی انیقلنگن ترورچی عیال نینگ قولگه آلینیشی بیلن علاقه لی اویوشتیریلگن عملیات حقیده تصویر لر ترقه تیلدی.  

ترورچی نینگ ارتباطی بولگن لیگی انیقلنگن 21 نقطه ده اویوشتیریلگن عملیاتده 46 کیشی قولگه آلیندی. 

قولگه آلینگن اوشبو کیشی لرنینگ تیرگاوی نتیجه سیده باشقه بیر نقطه ده اویوشتیریلگن عملیاتده ایسه, پارتلش نینگ فاعلی بولگن سوریه لیک احلام البشیر ناملی ترورچی اوشلندی. 

اوشبو کیشی نینگ, بولووچی ترور تشکیلاتی پ.ک.ک/پی وای دی/وای پی جی نینگ کوبانی ده گی مرکزی دن استانبول ده ترورچیلیک هجومی اویوشتیریش اوچون تاپشیریق آلگن لیگی انیقلندی. 

عیال کیشی بولگن اوشبو ترورچی, بولووچی ترور تشکیلاتی پ.ک.ک/پی وای دی/وای پی جی تامانیدن خاص استخباراتچی بولیب ییتیشتیریلگن لیگی و تورکیه ده ترورچیلیک هجومی اویوشتیریش مقصدی بیلن عفرین- ادلب آرقه لی تورکیه گه کیلگن لیگی نی بیلدیردی. 

اوشبو ترورچی استانبولده ترورچیلیک هجومی اویوشتیریش اوچون ترور تشکیلاتی پ.ک.ک نینگ کوبانی ده گی مرکزی دن تاپشیریق آلگن لیگی نی اعتراف قیلدی. 

استانبول ده گی پارتلش حادثه سی بیلن علاقه لی تیکشیرو لر کینگ کولملی اوله راق دوام ایتماقده.