تورکیه: سویدن بیلن فنلاند وعده سی گه وفا قیلمه دی

تورکیه جمهوریتی تشقی ایش لر وزیری مولود چاووش اوغلی, توناون پایتخت انقره ده بولیب اوتگن 13- ایلچی لر کنفرانسی نینگ اختتامیه قسمی ده معروضه قیلدی. 

سویدن بیلن فنلاند نینگ ناتو گه اعضالیگی پروسه سی بیلن علاقه لی اوشبو اولکه لر بیلن امضالنگن اوچ تامانلمه کیلیشوو باره سیده بحث ایتگن چاووش اوغلی, تامان لرنینگ مذکور کیلیشوو ده بحث ایتیلگن وعده لر گه وفا قیلمه گن لیگی و اوشبو جهت ده تشلنگن بیر قدم نینگ موجود ایمس لیگی نی بیلدیردی. 

اوشبو کیلیشوو نینگ کوزه تیلیشی اوچون سویدن و فنلاند نینگ طلبی گه بناً بیر میکانیزم نینگ قوریلگن لیگی نی بیلدیرگن چاووش اوغلی, "جولای آییده هم ییغیلیش اوتکزیش نی طلب قیلدیک, زیرا, قنده ی قدم لرنینگ تشلنگن لیگی و تشلنمه گن لیگی و نیمه اوچون اوشبو قدم لرنینگ تشلنمه گن لیگی نی بیلماقچی میز لیکن بیزنینگ جهتی میز دن بیر وقت باسیمی یوق.  تروریزم گه قرشی کوره ش (وقت باسیمی) بار لیکن نتیجه ده ناتو گه اعضا بولیش نی خواهله ماقده لر.  اولر هم آگست آیی نی پیشنهاد قیلدی لر.  ان شاءالله 26- آگست ده اوشبو میکانیزم نینگ بیرینچی ییغیلیشی بولیب اوته دی" دییه قید ایتدی.