استانبول ده هجوم اویوشتیرماقچی بولگن ترورچی لر اوشلندی

بولووچی ترور تشکیلاتی پ.ک.ک سرکرده لری دن بیری بولگن مراد قاره ایلان نینگ امری بیلن ایران آرقه لی تورکیه گه اوتگن و بمبلی هجوم اویوشتیریش اوچون تیارگرلیک اوتکزیاتگن "سیدو بوتان گویر" لقبلی ترورچی مهدی میخچی, ساخته اسناد بیلن استانبولده اوشلندی. 

تورکیه جمهوریتی ایچکی ایش لر وزیری سلیمان سویلو, اجتماعی ترماق آرقه اوشبو خصوصده بیانات بیردی. 

سلویلو بیاناتیده, "مراد قاره ایلان نینگ امری بیلن ایران آرقه لی تورکیه گه اوتگن, پ.ک.ک نینگ سوزده خاص کوچ لری منسوبی, بمب بوییچه تعلیم بیرگن, هجوم اویوشتیریش اوچون کیلگن سیدو بوتان گویر لقبلی مهدی میخچی, استانبول ده موفقیتلی بیر عملیات آرقه لی ساخته اسناد بیلن اوشلندی" دییه قید ایتدی. 

وزیرلیک تامانیدن بیریلگن بیاناتده, میخچی بیلن بیرگه ینه اوچ نفر مظنون نینگ قولگه آلینگن لیگی, خوددی شوو کیشی لرنینگ یشیاتگن جای دن کوپ مقدارده سلاح, ساخته اسناد و دیجیتال مواد نینگ قولگه کیریتیلگن لیگی بیلدیریلدی. 

بیاناتده, میخچی نینگ میلادی 2014- ییلده ترور تشکیلاتی پ.ک.ک گه قوشیلگن لیگی نینگ انیقلنگن لیگی معلوم قیلیندی.