ایردوغان ایتالیا باش وزیری بیلن مشترک مطبوعاتی کنفرانس اویوشتیردی

جمهور باشلیغی رجب طیب قاره دینگیزده حبوبات کوریدوری توغریسیده شولرنی ایتدی:

"بیر هفته اون کون ایچیده اوچره شوولرنی کوپه یتیریب نتیجه قولگه کیریتیش گه اورونه میز" دیدی.

جمهور باشلیغی ایردوغان رسمی سفر آرقه لی پایتخت انقره گه کیلگن ایتالیا باش وزیری ماریئو دراگی بیلن جمهور رئیسلیک مجتمعیده یوزمه یوز اوچره شوو اوتکزدی. شونده ی بولیب حکومتلرارا جلسه و کیلیشوولرگه قول قوییش مراسمی نینگ آرتیدن مشترک مطبوعاتی کنفرانس اویوشتیریلدی.

ایردوغان جنابلری دراگی بیلن همکارلیک امکانیتلری موضوعلرینی تیلگه آلگن لیکلرینی معلوم قیلدی.

ایردوغان "ایککی اورته ییر دینگیزی اولکه سی اوله راق هم منطقوی همده گلوبال موضوعلرده فکر المه شووی عملگه آشیردیک. انچه ساحه ده مناسبتلریمیزنی کوچه یتیریووچی 9 ته کیلیشووگه قول قویدیک. اقتصادی و تجاری مناسبتی میز خداگه شکر کونسایین آلغه بارماقده. پاندیمی بولگن حالده تجارت حجمیمیز اوتگن ییلی 34 فایز بیلن ریکارد سویه ده بولمیش 23 میلیارد دالردن آشدی. شونده ی بولیب 25 میلیارد دالرگه ییتیب باریش نی کورسته دی" دیب گپیردی.

ایردوغان حبوبات بوییچه قاره دینگیز کوریدوری نینگ شونده ی بولیب روسیه دولت باشلیغی ویلادیمیر پوتین و اوکراین جمهور باشلیغی ویلادیمیر زلنسکی نینگ هم یانداشوولری نینگ اهمیت گه سزوار ایکن لیگینی تاکییدله دی.

ایردوغان "اوچره شوولرگه دوام ایتماقده میز. بوغدای، ارپه و آفتاب پرست یاغی کبی حبوباتلرنینگ دنیاگه ییتکیزیب بیریلیشی جوده مهم بوله دی. بیزده بو توغریده قیینچیلیک یوق بیراق دنیاده انچه قیینچیلیک بار. اینیقسه افریقاده انچه قیینچیلیک موجود، بیز هم بو توغریده ایککی رهبر بیلن هم واسطه چی بولیب بو توغریده بیرلشگن ملتلر تشکیلاتی نینگ چوکاتیده حرمتلی (باش کاتب انتونیئو) گوترش بیلن هم اوچره شیب دوام ایتتیرماقچی میز. بیر هفته اون کون ایچیده اوچره شوولرنی کوپه یتیریب نتیجه قولگه کیریتیش گه اورونه میز" دیدی.

ماریئو دراگی ایسه قاره دینگیزده حبوبات کوریدوری آچیلیشی اوچون انقره آلیب باراتگن اورونیشلرنینگ تقدیرگه سزواوار ایکن لیگینی و بیرلشگن ملتلر تشکیلاتی ایشلب تورگن خوددی شو کوریدور ریجه سیده هم تورکیه نینگ مرکزی بیر رولی بولگن لیگینی ایتدی.

ایردوغان ایتالیانینگ شمال – شرقیده جایلشگن آلپ تاغلریده یکشنبه کونی یوز بیرگن موز کتله سی نینگ چوکیب کیتیشی عاقبتیده حیاتینی یوقاتگنلر اوچون قیغوداشلیک بیلدیریب یره لیلرگه شفا تیله دی. اوتگن آی 4 ته تورک وطنداشی حیاتینی یوقاتگن تیک اوچر حادثه سیده ایتالیا مقاملری تامانیدن کورستیلگن همکارلیک اوچون هم مهمان باش وزیرگه منتدارچیلیک بیلدیردی.