اردوغان: سویدن تورکیه دن قاچیب بارگن 73 نفر ترورچی نی بیز گه تاپشیره دی

تورکیه جمهوریتی جمهوررئیسی رجب طیب اردوغان, اسپانیا پایتختی مادرید ده بولیب اوتگن ناتو رهبر لر ییغیلیشی نینگ اداققه ییتیشیشی آرتیدن ژورنالیست لر بیلن صحبت قیلدی. 

سویدن نینگ تورکیه دن قاچیب بارگن 73 نفر ترورچی نی تورکیه گه تاپشیریش بوییچه وعده بیرگن لیگی نی بیلدیرگن جمهوررئیس اردوغان, " سویدن 73 ترورچی نی بیز گه تاپشیره دی.  حاضرچه 3-4 ته سی نی یوباردی.  لیکن بو ییترلیک ایمس.  البته که بولر نی عدلیه و تشقی ایش لر وزیرلیک لری میز بیلن ملی استخبارات اداره میز یقین دن کوزه تیب باره دی و 'بو ترورچی لرنی یوبارینگ کوره یلیک.' دییدی.  بولر کیلسه کیله دی, کیلمه گن تقدیرده ایسه اداره لری میز کیره کلی فعالیت لر نی عملگه آشیریش گه دوام ایته دی" دییه قید ایتدی. 

"بوندن کیین ترور تشکیلاتی پ.ک.ک و فتو اعضالری اوچون پروپاگند قیلیش, اولکه میز و تبعه لری میز گه حمله قیلیش و وضعیت نی یمان لشتیریش ینه ده قیین له شه دی" دیگن جمهوررئیس اردوغان اوز سوز لری نی, "بوندن کیینگی پروسه سویدن و فنلاند گه باغلیق.  هر قنده ی بیر ناتوغری حرکت بولگنده کتته سند قولی میزده, کیره کلی ایش لرنی قیله میز" شکلیده دوام ایتتیردی. 

اردوغان, اوشبو رهبر لر ییغیلیشی دایره سیده بولیب اوتگن اوچره شوو لر آرقه لی, ترور تشکیلات لری پ.ک.ک – پی وای دی-  وای پی جی و فتو نینگ ناتو نینگ متن لری گه کیریتیلگن لیگی نی بیلدیردی. 

جمهوررئیس اردوغان, "بیرینچی مرته متن لر گه کیریتیلدی.  یعنی پ.ک.ک اوروپا اتفاقی نینگ متن لریده بار ایدی لیکن وای پی جی-  پی وای دی و فتو یوق ایدی" دییه قید ایتدی. 

عینی دمده جمهوررئیس اردوغان, امریکا قوشمه ایالتلری دولت رهبری جو بایدن بیلن بولیب اوتگن اوچره شووی ده سوریه ده ترورچی لر گه موتر لر گه یوکله نیب یوباریلگن سلاح لرنینگ کون ترتیبی گه کیلگن لیگی یاکه کیلمه گن لیگی بوییچه سئوال گه ایسه, "البته اَیتدیم.  (امریکا قوشمه ایالتلری نینگ آلدینگی دولت رهبری) ترامپ دوری دن آلیب, دیدیم که 'مینگلب موتر سلاح, وسایل و مهمات بو ییر گه کیتیریلدی.' بیز بو ییرده تروریزم حقیده گپیره میز.  لیکن تورکیه نی هدف قیلیب آلیاتگن ترورچی لرگه سلاح, مهمات و وسایل بو شکلده بیریلرایکن, بیز نینگ ناتو دایره سیده قنده ی قیلیب همکار بولیشی میز ممکن؟" شکلیده جواب قیتردی. 

بونده تشقری جمهوررئیس اردوغان, ناتو رهبر لر ییغیلیشیده رهبر لرنینگ 'واسطه چیلیک قیله یلیک.  (تورکیه نی) یونان بیلن اوچره شتیره یلیک' کبی بیر سیاست آلیب بارگن لیگی نی بیلدیررایکن, "'کیچیره سیز لر حاضرچه بو موضوع حقیده گپیره دیگن وقتی میز یوق' دیدیک" دییه قید ایتدی.