رمضان هییت بیره می مناسبتی بیلن جمهوررئیس اردوغان نینگ تبریک پیامی

تورکیه جمهوریتی جمهوررئیسی رجب طیب اردوغان, هییت بیره می مناسبتی بیلن ترقه تگن تبریک پیامیده, بیره م لرنینگ بیردملیک نی کوچه یتیره دیگن و ازل دن ابد گه قدر قرداشلیک نینگ ینگی لنگن خاص کون لردن عبارت ایکن لیگی نی بیلدیردی. 

جمهوررئیس اردوغان, "ایلدیزی و عقیده سی نینگ نیمه بولیشی گه قره مسدن ملتی میز نینگ برچه فرد لری نینگ رمضان هییت بیره می نی 85 میلیونلیک نفوس نینگ بیر بیر لری نی بغری گه باسه دیگن و بیر بیر لری گه حق لری نی حلال قیله دیگن قرداشلیک مراسمی گه ایلنتیریشی نی خواهله ماقده من.  اوشبو توغریده موفق بولیشی میز, دوستلیک و قرداش لیگی میز نی کوچه یتیریشی میز تقدیرده, بیز ییچه آلمه یدیگن هیچ قنده ی بیر قیین چیلیک قالمه یدی" دییه قید ایتدی. 

اردوغان اوز سوز لری نی, "(عراق نینگ شمالیده بولووچی ترور تشکیلاتی پ.ک.ک گه قرشی دوام ایتیاتگن) پنجه- قفل عملیاتی و باشقه عملیات لر دایره سیده بیره م کون لریده یورتی میز نینگ بقاسی و ملتی میز نینگ تینچلیگی اوچون چیگره لری میز نینگ ایچی و تشقریسیده وظیفه اجرا ایتیاتگن قهرمان خوفسیزلیک کوچ لری میز گه منتدارچیلیک بیلدیره من.  عزیز شهید لری میز نی رحمت بیلن یاد ایترایکن, قهرمان غازی لری میز گه تشکر بیلدیریب سلام تقدیم ایته من.  وطنداش لری میز بیلن بیر قطارده, چیت ایللرده یشیاتگن قرداش لری میز, هم نژاد لری میز و اسلام عالمی گه رمضان هییت بیره می مناسبتی بیلن تبریک بیلدیره من.  بیره مینگیز قوتلوغ بولسین" شکلیده دوام ایتتیردی.