جمهوررئیس اردوغان استانبولده روسیه و اوکراین هیئت لری ییغیلیشی نینگ آچیلیشیده معروضه قیلدی

تورکیه جمهوریتی جمهوررئیسی رجب طیب اردوغان, روسیه – اوکراین مذاکره هیئت لری ییغیلیشی نینگ آچیلیشیده معروضه قیلدی. 

اردوغان, "عادلانه بیر تینچلیک نینگ مغلوب تامانی بولمه یدیگن لیگی گه ایشانه میز. اوروش نینگ دوام ایتیشی هیچ بیر تامان نینگ فایده سی گه بولمه یدی. منطقه سیده کوپلب یمان حادثه لر گه شاهد بولگن بیر اولکه صفتیده قاره دینگیز نینگ شمالیده بونگه اوخشش بیر وضعیت نینگ پیدا بولمس لیگی اوچون سعی و حرکت قیلدیک. خلق ارا مقیاسده ایکله تامان نینگ (روسیه و اوکراین) حقی و حساسیت لری نی نظرده توتیب عادلانه بیر سیاست آلیب باردیک" دییه قید ایتدی. 

جمهوررئیس اردوغان اوز سوز لری نی, "زودلیک بیلن آتشکیسین و تینچلیک نینگ اورنه تیلیشی همه نینگ فایده سی گه بوله دی.  ایندی مذاکره لرنینگ انیق نتیجه بیریشی وقتی نینگ کیلگن لیگی نی اویله ماقده میز. سیز هیئت اعضا لری صفتیده تاریخی بیر مسئولیت گه ایگه سیز.  خلق ارا جامعه سیز لردن کیله دیگن خیرلی و مژده لی خبر لرنی کوتماقده" شکلیده دوام ایتتیردی. 

اردوغان, "سیزلرنینگ مذاکره لر ده موفقیت قولگه کیریتیشینگیز کیینگی باسقیچ دن عبارت رهبر لر اورته سیده گی اوچره شوو نی هم ممکن قیله دی.  بونده ی بیر اوچره شوو گه هم میزبان لیک قیلیش گه تیارمیز" دییه قید ایتدی.