تورکیه سعودی عربستان گه قرشی اویوشتیریلگن هجوم نی قاره له دی

تورکیه, سعودی عربستان ده گی مسکونی منطقه لر گه اوچووچیسیز اوچاق لر و راکت لر بیلن اویوشتیریلگن هجوم نی قاره لب چیقدی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, توناون اویوشتیریلگن اوشبو هجوم نینگ قاره لنگن لیگی بیلدیریلدی. 

بیاناتده, "منطقه میز نینگ تینچلیگی و برقرارلیگی گه قره تیلگن بونده ی ترورچیلیک هجوم لری نینگ زودلیک بیلن اداققه ییتیشیشی کیره ک.  اوشبو دایره ده, سعودی عربستان بیلن همکارلیگی میز نی و کورفز منطقه سی نینگ خوفسیزلیگی گه باغلی لیگی میز نی ینه بیر بار تکرارلب اوته میز" دییه قید ایتیلدی. 

یمن ده گی حوثی لرنینگ حربی سوزچیسی یحیی سریع, سعودی عربستان نینگ پایتختی ریاض دن تشقری جده, جازان و باشقه بعضی منطقه لری نی هم اوچووچیسیز اوچاق لر بیلن اورگن لیک لری نی ادعا ایتگن ایدی. 

یمن ده حکومت کوچ لری نی قوللب – قوتلیاتگن عرب ائتلافی نینگ سوزچیسی تُرکی المالکی, جده ده جایلشگن آرامکو گه عاید پطرول محصولاتی نی ترقه تیش مرکزی گه هجوم اویوشتیریلگن لیگی نی بیلدیرگن ایدی. 

هجوم نینگ, "یمن ده ایران حمایه سیده گی تروریست حوثی جنگری لر" تامانیدن اویوشتیریلگن لیگی نی بیلدیرگن المالکی, مرکز ده گی ایکّی پطرول دیپوسیده یانغین یوز بیرگن لیگی نی معلوم قیلگن ایدی.