چاووش اوغلی بیلن متقی اوزارا سوزلشوو اوتکزدی

تورکیه تشقی ایشلر وزیری مولود چاووش اوغلی، افغانستانده گی طالبان اوتیش دوری حکومتی نینگ تشقی ایشلر وزیر اورینباسری امیرخان متقی بیلن تیلفون آرقه لی سوزلشدی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده تشقی ایشلر وزیری اورینباسری متقی نینگ ینگی تور کروناویروس (کوید-19) تیستی مثبت چیققن جمهور باشلیغی رجب طیب ایردوغان گه شفا تیله گن حالده تورکیه دن هرات گه ییتیب بارگن ایلک "یخشیلیک ریلی" اوچون منتدارچیلیک بیلدیرگن لیگی بیلدیریلدی.   

بو سوزلشووده تورکیه تشقی ایشلر وزیری چاووش اوغلی کیلگوسیده هم ینه بیر یخشیلیک ریلی نینگ افغانستان گه قره ب یول آلیشی نینگ کوتیلگن لیگینی ایتدی.

چاووش اوغلی متقی گه افغانستانده کینگ بیر باشقروونینگ تاسیس ایتیلیشی نینگ اولکه نینگ برقرارلیگی و تینچلیک نینگ تامین ایتیلیشی اوچون جوده مهم ایکن لیگینی، اولکه ده بعضی بیر عیال فعاللرنینگ لادرک بولیشی بیلن تیگیشلی خبرلردن خواطرده ایکن لیکلرینی قید ایتدی.

خاتین – قیزلرنینگ هم تعلم و تحصیل آلیشی نینگ مهم ایکن لیگینی تاکییدله گن چاووش اوغلی جنابلری بو توغریده افغانستانده آتیلگن اولیملی آدیملرنی تعقیب ایتیب تورگن لیکلرینی تیلگه آلدی.  

بو سوزلشووده معارف مکتبلری نینگ افغانستانده قیته دن فعالیت قیلیش خصوصی هم تیلگه آلیندی.

چاووش اوغلی بیلن متقی عیندمده کابل قونلغه سی قاله ویرسه افغانستانده گی قونلغه لرنینگ تورکیه – قطر شریکلیگیده ایشله تیلیشی بوییچه اوچره شوولرنینگ سونگگی وضعیتینی هم گپیردی.