تورکیه میانمار ده گی آغیر وضعیت نینگ دوام ایتتیریلیشی نینگ قیغو بیرووچی ایکن لیگینی بیلدیردی

تورکیه 2021 ییلی 1 فبروریده میانمارده قول اوریلگن حربی تونترووی نینگ ییل لیگیده اولکه ده گی آغیر وضعیت نینگ دوام ایتتیریلیشی نینگ قیغو بیرووچی ایکن لیگینی بیلدیردی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده تورکیه نینگ اساسن تورلی تونتروو و حربی مداخله گه قرشی ایکن لیگی تاکییدلندی.

بیاناتده "2021 ییلی 1 فبروریده میانمارده قول اوریلگن حربی تونترووی نینگ ییل لیگیده اولکه ده گی آغیر وضعیت نینگ دوام ایتتیریلیشیدن قیغولنماقده میز" دیب افاده ایتیلدی.

اولکه ده تینچلیک و برقرارلیک نینگ تامین ایتیلیشی بوییچه دموکراسی نینگ قیته تیکلنیشی اوچون کیره کلی آدیملرنینگ تیزلیکده آتیلیشی و تینچ اهالی گه قره ته خشونت نینگ توخته تیلیشی چقیریغی قیلیندی.

بیاناتده "میانمارده آغیر شرطلرده حیات کیچیره یاتگن روهینگیا مسلمانلری نینگ وضعیتلری نینگ یخشیراق قیلینیشی و روهینگیا مسئله سیگه دایمی ییچیم تامین ایتیلیشی بوییچه اورونیشلرنینگ دوام ایتتیریلیش کوتیشیمیزنی ینه بیر مرته تاکییدله یمیز" دییلدی.

میانمار اردوسی 2020 ییلی 8 نوامبرده گی سیلاولرده فسادگه قول اوریلگن لیگی بیلن تیگیشلی اداعالرنینگ یوزه گه چیقیشی و اولکه ده سیاسی بحران یوز بیریشی آرتیدن 2021 ییلی 1 فبروریده باشقروونی قولگه کیریتیب آلگندی.