ایردوغان آتاتورک مقبره سینی باریب زیارت قیلدی
آتاتورک مقبره کتابی گه قول قوییب پیام یازدی
جمهوریت بیره می نینگ 98- ییل لیگی مناسبتی بیلن جمهور باشلیغی رجب طیب ایردوغان و دولت ییتکچیلری، تورکیه جمهوریتی نینگ قورووچیسی بویوک رهبر مصطفی کمال آتاتورک نینگ قبرینی باریب زیارت قیلدی.
جمهور باشلیغی ایردوغان آتاتورک مقبره کتابی گه قول قوییب شولرنی یازدی:
"عزیز آتاتورک، جمهوریتیمیزنینگ 98 – ییل لیگی ییتیب کیلیشی بیلن سیز عالی جنابنی، قوراللی اورتاقلرینگیزنی و قهرمان شهیدلریمیزنی ینه بیر مرته منتدارچیلیک بیلن یاد ایته میز. شهیدلریمیز جانلرینی فدا قیلیب بیزگه ارمغان ایتیب بیرگن جمهوریتیمیزنی تورلی ساحه ده کوچه یتیریش، اعتبارینی کوچه یتیریش و دنیا مقاسیده اینک کوچلی اقتصادگه ایگه 10 اولکه قطاریگه اورین آلیشی اوچون کیچه کوندوز تینمه ی اورونماقده میز. برچه بشریت نینگ کروناویروس (کوید-19) کسل لیگی باعث جدی بحرانگه دوچ قالگن شو پیتده تورکیه صادرات، استخدام، تولید و سرمایه کیریتیش ساحه لریده قولگه کیریتگن یوتوقلر بیلن رواجلنیب بارماقده. شرفلی تاریخی ظفرلر بیلن تولیق قهرمان بیر ملت نینگ منسوبلری اوله راق جمهوریتیمیزنی 2023 ییلی هدفلریگه ییتکیزیش گه قرارلی میز. روحینگ شاد بولسین" دیب یازدی.
مراسم نینگ آرتیدن مقبره وطنداشلرنینگ زیارت قیلیشلریگه آچیلدی.
ایردوغان مراسم نینگ آرتیدن جمهور رئیسلیک مجتمعی گه باردی.
ایردوغان مجتمعیده 29 اوکتبر جمهوریت بیره می قوتلاولرینی قبول قیلدی.
علاقه لی ینگی لیکلر
تورکیه رادیو تلویزیونی گه مکافات بیریلدی
اوشبو مکافات سیونیست حرکت نینگ تاریخی گه تیگیشلی دقت گه سزاوار اوچ بولیملیک ویدیو طفیلی بیریلدی
تورکیه جمهور باشلیغی ایردوغان فلسطین بوییچه مهم بیانات بیردی
فلسطنلیک لرنینگ اوزاق ییلللردن بیری اوی - جایی گه قیتیش گه حسرت قالگن لیگینی تیلگه آلدی