ایردوغان: خلق ارا همجمعیت نینگ افغانستان خلقیدن یوز اوگیریش گه حقی یوق دیر

جمهور باشلیغی رجب طیب ایردوغان، خلق ارا همجمعیت نینگ افغانستان خلقیدن یوز اوگیریش گه، بو اولکه نی اوز تقدیریگه تشلب قوییش گه حقی بولمه گن لیگینی ایتدی.

جمهور باشلیغی ایردوغان استانبولده گی وحدالدین قصریده توروب افغانستان موضوعلی "جی20 فوق العاده رهبرلر جلسه" سیگه ویدیو کنفرانس آرقه لی قتنشدی.

افغانستانده ینگی بیر سیاسی و جیوپولیتیک حقیقت بیلن یوزمه یوز بولیب قالگن لیگینی، بو اولکه ده برقرارلیک نینگ تیزده اورنه تیلیشی نینگ نه فقط منطقه اوچون خلق ارا اولچکده هم جوده اهمیت گه سزاوار ایکن لیگینی معلوم قیلدی.

ایردوغان جنابلری "طالبان نی کینگ - هر تامانلمه بیر حکومت قوریشی بوییچه تشویق ایتیشیمیز کیره ک" دیدی.

" خلق ارا همجمعیت نینگ افغانستان خلقیدن یوز اوگیریش گه، بو اولکه نی اوز تقدیریگه تشلب قوییش گه حقی یوق دیر" دیب افاده ایتگن ایردوغان اولکه ده تاباره کوپه ییب بارگن انسانی بحران باعث افغانستان خلقی بیلن کوچلی بیر بیردملیک ایچیده بولیش نینگ شرط ایکن لیگینی اورغوله دی.

ایردوغان تورک قیزیل آی جمغرمه سی نینگ یقینده 33 تن آذیق – اوقات یاردم ییتکیزیب بیرگن لیگینی معلوم قیلیب شولرنی ایتدی:

"بو قیین کونلرده افغانستان خلقی گه قرداشلیک وظیفه میزنی بجا کیلتیریش گه دوام ایته میز" دیدی.

عین دمده افغانستانده گی وضعیت نینگ کوچ آقینینی کوپه یتیرگن لیگی گه دقت قره تدی.

ایردوغان "تورکیه افغانستان منبعلی ینگی بیر کوچ یوکینی کوتریش گه قادر ایمس. جی20 چوکاتیده بیر فعالیت گروهی ایجاد ایتیلیشینی تکلیف قیله من. تورکیه اوله راق بو گروه نینگ باشقرووینی هم آلیش نی خواهله یمیز" دیدی.

جمهور باشلیغی تورکیه دوچ قاله دیگن کوچ دالغه سیدن اروپا اولکه لری نینگ هم تاثیرلنیشی نینگ ممکن ایکن لیگینی قید ایتدی.