تورک هیئتی آذربایجان گه تشریف بویوردی

عدالت و توسعه حزبی رهبری نینگ اورینباسری نعمان قورتیلمیش باشچیلیگیده گی مذکور حزب نینگ هیئتی, آذربایجان گه تشریف بویوردی. 

هیئت اعضا لری آذربایجانده شهیدلیک لر گه باردی.

نعمان قورتیلمیش و اونگه همراه لیک ایتیاتگن هیئت, آلدین آذربایجان نینگ سابق جمهوررئیسی حیدر علی یف نینگ قبری باشی گه باردی. 

قبرگه گل قویگن قورتیلمیش, کیین ایسه 20- جولای شهید لری نینگ دفن قیلینگن باکو شهید لر خیابانی و قفقاز اسلام اردوسی شهید لری نینگ تمثیلی مزار لری نینگ اورین آلگن باکو تورک شهیدلیگی نی کوریب چیقدی.  شهیدلیک یادگارلیک لری گه گل قویگن قورتیلمیش باکو تورک شهید لیگی یادگارلیک دفتری نی امضاله دی. 

قورتیلمیش, بیرگن بیاناتیده, عدالت و توسعه حزبی بیلن ینگی آذربایجان حزبی اورته سیده گی مناسبت لرنی تائید ایتیش و علاقه لرنی مستحکم لشتیریش مقصدی بیلن آذربایجان گه سفر قیلگن لیک لری نی بیلدیردی. 

تورکیه بیلن آذربایجان اورته سیده گی مناسبت لرنینگ جوده یخشی ایکن لیگی نی بیلدیرگن قورتیلمیش, (ارمنستان نینگ آذربایجان توپراق لری نی اشغالی گه قرشی) 44 کون دوام ایتگن کوره شده تورکیه نینگ برچه امکانیت لری بیلن آذربایجان نینگ یانیده اورین آلگن لیگی نی بیلدیررایکن, تورکیه جمهوریتی جمهوررئیسی رجب طیب ایردوغان نینگ بیرینچی کوندن بیری آذربایجان نینگ قاره باغ ده گی اشغال نی اداققه ییتیشتیریش بوییچه کوره شیده آذربایجان نی قوللب قوتلب کیلگن لیگی نی معلوم قیلدی. 

قورتیلمیش, آذربایجان جمهوررئیسی الهام علی یف نینگ سیاست لری و خلق نینگ باتورلیگی بیلن اوزاق ییل لر دوام ایتگن اشغال نینگ اداققه ییتگن لیگی نی معلوم قیلرایکن, اوروشده شهید بولگن لر گه الله دن رحمت تیلب قالدی.