استانبولده گی عیال اثر لری کتابخانه سی حقیده قیسقه معلومات

تورکیه نینگ ایلک و بیرته گینه "عیال اثرلری کتابخانه سی" نینگ استانبولده ایکن لیگی نی بیله سیز می؟

عیال اثرلری کتابخانه سی و بیلگی مرکزی وقفی, تورکیه نینگ ایلک و بیرته گینه عیال لر بیلن علاقه لی آرشیف و کتابخانه سی خصوصیتی گه ایگه. 

میلادی 1990- ییلده آچیلگن اوشبو مرکز نینگ مقصدی, "عیال لرنینگ اوتمیشی حقیده معلومات ایگه سی بولیش, بو معلومات لر نی تدقیقاتچی لر گه تقدیم ایتیش و حاضرگی کونده گی مطبوع حجت لرنی کیله جک اولاد گه ییتکزیب بیریش دن عبارت.  کتابخانه آرشیفی ده گی کلکسیون لر, عثمانی دوری دن حاضرگی کون گه قدر عیال لر گه تیگیشلی یاکه عیال لر بیلن علاقه لی اثر لر و حجت لرنی قمره گن لیگی باعث جوده مهم سنلماقده.  اوشبو مرکزده, کتابخانه چیلیک و آرشیف چیلیک فعالیت لریدن تشقری کنفرانس لر, ورکشاپ لر و خلق ارا سمپوزیم لر سنگری باشقه کوپلب فعالیت لر هم یوریتیلماقده.  شونده ی قیلیب اوشبو فعالیت لر دایره سیده عیال لر نینگ بیلگی ساحه سی بوییچه سعی و حرکت لری تانیتیلماقده. 

استانبول نینگ بلاط منطقه سیده اورین آلگن کتابخانه, بو منطقه نینگ مشهور بولیشی بیلن داخلی و خارجی توریست لرنینگ دقتی نی اوزی گه تارتماقده.