کویت ولیعهدی جمهوررئیس ایردوغان گه منتدارچیلیک بیلدیردی

کویت امیری نینگ اورینباسری و اوشبو اولکه نینگ ولیعهد شهزاده سی شیخ مشعل الجابر الصباح, تورکیه جمهوریتی جمهوررئیسی رجب طیب ایردوغان نی مقته دی. 

الصباح, توناون رسمی بیر سفر بیلن کویت گه تشریف بویورگن تورکیه جمهوریتی پارلمانی نینگ باشلیغی مصطفی شنتوپ و اونینگ بیلن همراه لیک ایتیاتگن هیئت اعضا لری بیلن اوچره شدی. 

اوچره شووده, الصباح, اولکه سی بیلن تورکیه اورته سیده ده گی چقور تاریخی مناسبت لر گه دقت قره تدی. 

کویت نی قوللب – قوتله گن لیگی اوچون جمهوررئیس ایردوغان گه منتدارچیلیک بیلدیرگن الصباح, "ایردوغان, سیاستی, سوزی و فعالیت لری بیلن باتور بیر کیشی.  اونگه سیوگی و حرمتی میز بار" دییه قید ایتدی. 

میلادی 1990- ییل لرده عراق نینگ کویت نی اشغالی جریانیده گی تورکیه نینگ سیاستی نی ایسلتگن الصباح, اوز سوز لری نی, "فرهنگی و خلقی جهتی دن قدیمی بیر اولکه دن عبارت بو اولکه نینگ وفالی و صادق سیاست گه ایگه بولیشی حیرتله نرلی بیر نرسه ایمس.  ینه بیر بار منتدارچیلیک بیلدیره میز.  کویت, قرداش لری و دوست لری نینگ سیاست لری نی ایسدن چیقارمه یدی" شکلیده دوام ایتتیردی. 

کویت بیلن تورکیه اورته سیده گی سیاسی, اقتصادی, تجاری و خوفسیزلیک همکارلیک لری نینگ کوچی حقیده بحث قیلگن الصباح, "تورکیه, کویت لیک توریست لر اوچون مهم بیر مرکز گه ایلندی" دییه قید ایتدی.