تورکیه حربی محصولات نی اوزی ایشلب چیقاریش بوییچه ینه مهم بیر قدم تشله دی

تورکیه جمهوریتی مدافعه صنایع سی, تورکیه قوراللی کوچ لری نینگ ضرورت لری نینگ تورکیه ده ایشلب چیقاریلیشی بوییچه دشمن کیمه سی گه قرشی فایده له نیله دیگن آتمه جه ناملی راکتی بیلن ینه بیر موفقیت قولگه کیریتگن بولدی. 

اوشبو راکت, تورکیه نینگ حربی محصولات وارداتی نینگ کمیتریلیشی, دینگیز کوچ لری نینگ ضرورت لری نینگ تامین ایتیلیشی و وطنی امکانیت لر بیلن یخشی بیر سلاح ایشلب چیقاریش مقصدی بیلن تولید قیلیندی.

تئوریک معلومات لر گه کوره 220 کیلومتر مسافه نی اوره آله دیگن آتمه جه, تست لر ده 250 کیلومتر نی اوریش قابلیتی نی کورسه تیب بیردی. 

آتمه جه, حاضرگی کون گه قدر 20 دن آرتیق آتیلدی.  2016- ییل نوامبر آیی دن بیری بولیب اوتگن تست لرده هم دواملی روشده مثبت ینگی لیک یوز بیردی. 

بیر سناریو دایره سیده اوشبو راکت استفاده ایتیلمه یدیگن بیر کیمه گه آتیلدی. 

شونده ی قیلیب اوشبو راکت نینگ تست دن موفقیت بیلن اوتگن لیگی و کوپ مقدار ده ایشلب چیقاریلیشی نینگ ممکن ایکن لیگی بیلدیریلدی. 

آتمه جه نینگ کوپ مقدار ده ایشلب چیقاریلیشی بوییچه کیلیشوو میلادی 2018- ییل 29 اکتوبرده امضالنگن ایدی.

راکتسان, میلادی 2021- ییلده ایشلب چیقاریله دیگن آتمه جه راکت لری نی MİLGEM لر داخل تورکیه دینگیز کوچ لری کیمه لری گه جایلشتیریله دی.