تورکیه تشقی ایشلر وزیری اروپا اولکه لری انقره بویوک ایلچیلری بیلن اوچره شوو اوتکزدی

تورکیه جمهوریتی تشقی ایشلر وزیری مولود چاووش اوغلی تورکیه نینگ کیله جگینی اروپاده اورین آلیش بیلن ممکن ایکن لیگینی شونده ی بولیب بونی بیرگه لیکده توزماقچی ایکن لیکلرینی تیلگه آلدی.  

تورکیه تشقی ایشلر وزیری مولود چاووش اوغلی اروپا اولکه لری انقره بویوک ایلچیلری بیلن چانقایا کوشکیده اوچره شدی.

چاووش اوغلی بو جایده قیلگن صحبتیده 2021 ییلی نینگ همکارلیک، بیردملیک، دیپلوماسی و دیالوگ حاکم بولگن بیر ییل بولیشینی خواهله دی.

تورکیه – اروپا بیرلیگی مناسبتلریدن هم سوز یوروتگن چاووش اوغلی جنابلری ریفورم باسقیچیده قرارلی ایکن لیکلرینی معلوم قیلدی.

"اروپا بیرلیگی بیزنی قوللب – قوتلشی کیره ک. کیله جگیمیزنی اروپاده اورین آلیش بیلن ممکن دیب کوره میز شونده ی بولیب بونی بیرگه لیکده توزماقچی میز" دیب ایتدی.