تورکیه مدافعه وزیری بیلن بیر قطار قومندان آذربایجان گه تشریف بویوردی

تورکیه جمهوریتی ملی مدافعه وزیری خلوصی آقر، تورکیه بیلن روسیه اورته سیده ایجاد ایتیله دیگن مشترک حربی مرکز فعالیت گه اوتیشی بیلن آذبایجانلیکلرنینگ حقینی قوریقلش وظیفه سینی بجریشیدن خبر بیردی.

خلوصی آقر و تورکیه قوراللی کوچلری چوکاتیده گی بیر قطار قومندان تورکیه بیلن روسیه اورته سیده قوریله دیگن مشترک مرکزده وظیفه آلیب باره دیگن تورک عسکرلری بیلن آذربایجان نینگ پایتختی باکوده اوچره شدی.

آقر آذربایجان بیلن ارمنستان اورته سیده گی آتشکیسین بیلن تیگیشلی بیانات بیردی.

"مشترک مرکزدن آتشکیسین کوزه تووی آلیب باریله دی. وظیفه میزنی بجریش اوچون قرداشلریمیز تیار. مشترک مرکز فعالیت گه اوتگچ ایشلریمیز کوپه یه دی. آذربایجانلیک قرینداشلریمیزنینگ حقینی قوریقله یمیز" دیدی.